向兒時偶像致敬
[font=Courier New][font=Courier New][size=3][font=新細明體]八十年代的樂壇係最好,相信多數人都唔會反對我咁講, 當年無錯係以譚詠麟、張國榮和梅艷芳三人最紅, 所以呢三位唔多講, 但其他歌手亦都唔係陪襯品, 幾乎每人都有首成名曲, 是但搵個出嚟開個唱都唔駛憂無觀眾。 唔似得九十年代只係得四大天王, 又或者宜家一大班o靚仔o靚妹出嚟搞下男女關係, 都諗唔起佢唱過邊首歌, 甚至唱首電視劇主題曲就做咗歌星。你又睇下今時今日唱片公司不斷咁推出復黑CD, 仲要擺係唱片鋪頭架就可想而知。[/font][font=新細明體][/font]
[font=新細明體]希望借呢度向我的兒時偶像致敬。[/font]
[font=新細明體][/font]
[font=新細明體]陳百強[/font]
[font=新細明體]最令大家懷念, 所以要先講。 浪漫情歌為主, "眼淚為你流"、"深愛著你"、"漣漪"等最為人喜愛, 但我就鍾意快歌 "神仙也移民"、"南北一家親"等。 [/font]
[font=新細明體][/font]
[font=新細明體]呂方[/font]
[font=新細明體]是我最喜愛的歌手, 以前佢出碟我死慳死抵都要買, 以前屋企無唱盤要買CASSETTE, 後來至轉買CD, 重堅持要正版。 佢出道時相當紅, 同張學友一齊開雙星演唱會, 只係佢始終輸蝕在身高, 至九十年代張成為四大天王之一, 而呂方只係發展平平, 尤其過檔華納之後, 十多年來就只有"地久天長"和"彎彎的月亮"入過季選, 以佢級數來講算係欠佳, 觀眾都只係留意佢同DO DO 姐的新聞。 近期佢終於再紅起來, 期待佢快將舉行的演唱會。[/font]
[font=新細明體][/font]
[font=新細明體]蔡楓華[/font]
[font=新細明體]大家對佢印象可能好差, 但我永遠只係睇佢好的一面。 佢係我第一個睇的歌星, 大家一定記得香蕉船中的船長哥哥。 男人老狗我好少讚男人靚仔, 除咗畀面朋友, 但只係得把口, 只有蔡楓華係我曾經從心底讚。 佢亦有音樂才華, 作過唔少曲, 除了"倩影"和"誓言", 我最鍾意的非主打歌"相愛亦相份"、四海一個家"和"一代人"亦係出自佢手筆。 佢當紅時甚至和張國榮、陳百強和鍾保羅齊名四劍俠, 好可惜佢實在太多負面新聞, 加上又自暴自棄, 總係將自己搞到人唔似人鬼唔似鬼咁樣出鏡。 現在唔奢望佢回復當年白馬王子狀態, 但都希望起碼有番早幾年前唱家班演唱會時的風采。[/font]
[font=新細明體][/font]
[font=新細明體]林子祥[/font]
[font=新細明體]除譚張梅之外, 阿LAM亦可算係當時殿堂級歌手, 皆因大家都記佢個兩撇鬚, 係娛樂圈有突出形象永遠有利。 "分分鐘需要你"和"莫再悲"係以前去BBQ或者CAMP圍埋必唱。葉倩文我就唔太鍾意, 但佢的歌都很好。阿LAM多年來少有是非, 就算離婚再娶葉倩文都冇太大回響, 最遺憾就係偷眼鏡事件。[/font]
[font=新細明體][/font]
[font=新細明體]林志美[/font]
[font=新細明體]當年的女神, 每次見到佢, 我個腦就不其然響起: 淡淡然掠過神秘又美麗.........[/font]
[font=新細明體][/font]
[font=新細明體]RADIAS[/font]
[font=新細明體]當年樂壇亦係BAND的時代, 雖然數目眾多, 但隊隊都令人留下印象: BLUE JEANS、 風雲、凡風、赤道、COCOS、FUNDAMENTAL、小島、邊界、浮世繪.......當中以RADIAS和達明一派算係眾BAND之首, 87年十大勁歌金曲, "別人的歌"入選十大, 達明就攞"最佳樂隊組合", 當時[/font][/size][/font][/font][font=Courier New][size=3][font=Courier New][font=新細明體]BEYOND重未好紅, 太極因太多人令人只係識雷氏兄弟和鄧建明。 有一輪收音機朝朝都播"別人的歌", 足足播咗大半個月, 我就係咁開始聽, 可惜歷時太短暫了, 之後只有陳德彰耐不耐出來表演下, 黃耀光潛心信佛, 相信好難再出現幕前。[/font]
[font=新細明體][/font]
[font=新細明體]關正傑[/font]
[font=新細明體]唱業餘都可以唱到一線, 呢D唔係叫實力叫乜? [/font]
[font=新細明體][/font]
[font=新細明體]林姍姍[/font]
[font=新細明體]細細粒牙尖嘴利, 好可愛的女孩子, 好早已為人母, "再見PUPPY LOVE"係當年SINGING CONTEST合唱首選。[/font]
[font=新細明體][/font]
[font=新細明體][/font]
[font=新細明體]待續, 或請接力[/font][/font]
[/size][/font]
[[i] 本帖最後由 風少 於 2007-3-3 01:54 PM 編輯 [/i]] [size=3][font=新細明體]林憶蓮
"我空虛, 我寂寞, 我涷", 以前的小學同學成日失雞無神唱呢幾句。 早期總係同呂方拉埋一齊講, 皆因大家都係矇豬眼, 後期和葉倩文齊名, 可惜之後彭羚、鄭秀文、陳慧琳、容祖兒等相繼崛起, 令憶蓮始終未能成為首席天后。
陳慧嫻
以前小學上PE堂, 有朝做早操個陣, 亞SIR無啦啦攞部CASSETTE機出嚟播首"跳舞街"和"反叛"做BG, 係當時咁沉悶的環境下, 突然有兩首流行曲聽下, 個個都醒晒。 佢的經典名曲"花店"、"傻女"、"千千闕歌"和"夜機"等等係慢歌, 我就鍾意上述兩首快歌, 重有"貪貪貪"和"變變變"。
杜德偉
我比較欣賞佢搞笑的一面, 以前睇"點解咁好笑"較喜歡佢, 林敏聰我就覺得太胡鬧。 現在香港的人記得都只係佢同周汶錡的關係, 反而在台灣就大紅, 與任賢齊、周華健、黃品源合稱台灣四大天王。
夢劇院
八十年代後期的女子組合, 唔算好紅, 好快拆夥, 但兩位的名字至今仍然好多人記得, 李敏做咗才女, 劉文娟以精通日文做賣點, 自從結婚後就少有露面。
ECHO
另一女子組合, 亦係好快拆夥。 拆夥後, 論樂壇發展, 李蕙敏確係比區海倫好, 起碼有首代表作"遲婚的女人", 但呢首歌好似有點邪門, 今天區已嫁入豪門, 而李早前就畀記者影到佢帶住個細路, 懷疑做咗未婚媽媽。
郭小霖
[/font][font=新細明體]G2000廣告歌"迷惘"開始認識佢的歌, 記憶中佢九成以上都係情歌, 只有兒歌"天界小神仙"和"他也是人"唔係。由於小霖主要做幕後, 所以唔係好多歌, 但貴精不貴多, "愛情蝙蝠俠"、"分手真相"、"夢中見"、"從不知"等首首都係經典。[/font][/size][size=2][font=Courier New] [/font][/size]
[[i] 本帖最後由 風少 於 2007-2-5 01:46 PM 編輯 [/i]] [quote]原帖由 [i]風少[/i] 於 2007-1-23 02:04 PM 發表
關正傑 : 唱業餘都可以唱到一線, 呢D唔係叫實力叫乜? ... [/quote]
多謝分享，有好多相都好經典！:boy09:
關正傑亦是我偶像之一，不過移民之後就絕跡幕前，有人邀請出席籌款活動他亦婉拒，實在有些可惜。
他是一個毋需華麗舞台、服裝，不用跳舞，不用攪笑，只靠唱歌都可以開演唱會的歌手。最喜歡他的一首《近代豪俠傳》...
[color=purple]近代豪俠傳(電視劇"近代豪俠傳"主題曲) [/color]
[color=purple][/color]
[color=purple]作曲：顧嘉煇
填詞：黃霑
主唱：關正傑 [/color]
[color=purple][/color]
[color=purple]英雄好漢 胸懷大義
五湖七海裡 俠客多君子[/color]
[color=purple]奸徒披靡 鬼神避忌
凜然肝膽照 俠客重仁義[/color]
[color=purple]拳風鎮住邪惡類 大刀劈盡無理事
豪氣壓絕強戾 伏霸揚正義[/color]
[color=purple]當仁拋小我 捨身成大事
永垂青史裡 熱血是男兒[/color]
[color=purple]當仁拋小我 捨身成大事
永垂青史裡 熱血是男兒
永垂青史裡 熱血是男兒[/color]
[color=purple][/color] thanks for sharing so many information [size=3][font=新細明體]多謝支持, 今日繼續
溫兆倫
大家會覺得佢係藝員多過係歌手, 最初我就在教育電視見佢演出, 其實佢好早已經開始唱歌, 八六年就出個人大碟"我的SARA", 只係佢在電視的演出較深入民心, 蓋過了佢的歌聲而已。早期同時為無綫("高材生"、"林沖"等等) 和亞視("醉拳王無忌"、"小生也瘋狂、"十二金牌"等等) 唱主題曲, 至"城市故巿"之後成名。 當時與陳松齡成為老牌唱片公司"娛樂"的一對年輕歌手(其他歌手有鄭少秋和汪明荃), 合唱歌"正義柔情永在" , 以及個人成名曲"沒有你之後"、"從未試過擁有"、"隨緣"全部都是電視主題曲或插曲, 這個亦係娛樂旗下歌手的特色。 不難發現老溫的樣子廿幾年都無大變化, 本應係呢個圈一項非常優厚條件, 可惜佢的情史實在太負面, 次次都係不歡而散, 結果陳梅馨事件終於將佢事業拖垮, 自此就一沉百踩, 有點似蔡楓華咁樣, 之後佢同郭小姐更加畀人話一朵鮮花插在牛糞上, 不過好在佢積極得多, 轉戰大陸之後發展唔錯, 出了多張國語碟和拍劇, 重搞獎學金幫助貧困學生, 人稱溫SIR, 現在從大陸傳媒較易發現佢的蹤影。
劉錫明
另一個一沉百踩的例子, 但和蔡溫二人不同, 兩位多少都要為自己行為負責, 但劉真係無辜, 佢只係話好欣賞周慧敏, 咁就畀那個公器私用之徒倪震冠以不雅之名, 當年那本雜誌迷倒好多無知少年, 加上劉亦無作出過任何反擊, 自此就敗走台灣。 其實佢好早出道, 只係先拍劇後唱歌, 所以佢的歌手身份應該屬於九十年代, 曾奪勁歌新人金獎。 睇見佢的遭遇, 又睇見周小姐十幾年無名無份咁跟著那位仁兄, 究竟是緣? 是債? 是場夢?
陳松伶
大家都記得松松姐姐係為小朋友帶來歡樂的兒歌王后, 實際佢就好似自己名劇"天涯歌女"咁坎坷, 佢自幼畀媽媽迫出來搵錢, 八六年才十五歲的她已出唱片"宵禁", 母女關係自此變得疏離, 好在近年終於冰釋前嫌。松松姐姐可以話伴我成長(其實我只係細佢少少, 嘻嘻), 從前放暑假每朝無綫播起"相聚一刻"主題曲, 套卡通數年前周日轉到亞視播, 已經變成日文主題曲, 而我就再沒有暑假放了。
黃凱芹
"誰帶上面具, 假裝作伴侶", 相信當年大家都聽過這句歌詞被人改成有味, 佢就係專唱這類甜中帶苦的情歌: "傷感的戀人"、"讓這生命再等候"、"雨中的戀人們"等等。 當年RADIAS唯一唔係由林夕填詞的名曲"傾心", 就係出自這位筆名"若愚"的手筆。
陳美玲
好多人會將佢同嫁往日本的陳美齡混淆, 但當哼起"[color=black]欲斷難斷, 難明白我心裡面怎麼竟掛念....", 就一定知道佢係PAT CHAN, 佢係八十年代中期好快已經淡出, 直至最近復出。 [/color]
草蜢
當年梅艷芳後面的跳舞的草蜢仔, 總係畀人同羅文的豹小子擺埋一齊, 今天兩位老大都不在了, 豹小子早就已消聲匿跡, 而草蜢仔雖然變晒老蜢, 但仍然在台上跳跳紮, 跟大家: "一起森巴舞.........", 身手不減當年。 [/font]
[font=新細明體][/font]
[/size][size=3][font=新細明體]區瑞強
以民歌作為號召, 對唔識欣賞的我來講屬於另類歌手, 不過聽過之後完全唔覺老套。 歌手拍下劇確係有助知名度, 我首次留意佢都係來自電視劇"愛情安歌", 加上此劇亦有當時同樣係港台名DJ的蔡楓華和關西蒙, 及以前跳飛機主持黃造時一同擔正, 繼"突破"之後成為八十年代無綫青春劇代表, 雖然後來有梁詠琪"TODAY"、李克勤"告別校園時"等, 但主題曲"那天再重聚"至今仍然係畢業禮流行的歌。[/font]
[font=新細明體][/font]
[font=新細明體]反應好隨時繼續, 亦歡迎接力。[/font]
[/size][font=新細明體][size=2][/size][/font]
[[i] 本帖最後由 風少 於 2007-2-21 05:32 PM 編輯 [/i]] 一個 high 野 high 到去左
一個賭到爭大耳窿錢要跳樓
一個精神有問題跳樓
依家三個一係下面同蘿記打麻雀:L
[[i] 本帖最後由 toester 於 2007-1-27 12:09 AM 編輯 [/i]] [font=新細明體][size=3]首先非常感謝版主將此劣作置頂, 承蒙錯愛, 在下定必繼續努力, 與大家一起重溫我們敬愛的八十年代樂壇。[/size][/font]
[font=新細明體][size=3][/size][/font]
[font=新細明體][size=3]鍾鎮濤[/size][/font]
[font=新細明體][size=3]與譚詠麟一起出身自溫拿的B哥哥亦算有巨星級數, 本身擅於作曲, 曾踏足台灣影壇, 最家傳戶曉的歌當然要數和彭健新合唱的"一段情"。 我就鍾意一些比較輕快的歌"香腸蚊帳機關槍"、"非洲黑森林寫真集一日遊"、"誠懇"等, 填詞人林敏聰是其最佳拍擋。 當年和章小姐的婚禮轟動一時, 十年後反目成仇又成為娛樂新聞頭條。 [/size][/font]
[font=新細明體][size=3][/size][/font]
[font=新細明體][size=3]鄺美雲[/size][/font]
[font=新細明體][size=3]歷屆港姐中, 吳婉芳、李美鳳、朱潔儀、何婉盈與譚小環都先後出過唱片, 但只係曇花一現, 今日的佘詩曼和楊思琦更只可話係客串歌手, 純粹為無綫而唱歌, 只有鄺美雲才可算係真真正正的港姐歌手代表, 而且佢唔係單靠樣貌, 歌曲亦係首首動聽, 連黎明都翻唱佢的"堆積情感"。 但係我諗監犯會怕咗佢, 皆因佢有首經典名曲叫"再坐一會" , 傳聞這首係監獄的禁歌, 哈哈, 如果佢現在去到獄中宣揚佛學, 唔知監犯們會有咩反應?[/size][/font]
[font=新細明體][size=3][/size][/font]
[font=新細明體][size=3]麥潔文[/size][/font]
[font=新細明體][size=3]也是港姐出身, 但因為退選關係, 所以論代表性不及鄺美雲。 "郁親手就聽打......" , 細路仔聽到呢句就唔敢亂搞東西。 當年流傳電台有首禁播歌, 唔係意識不良, 而係因為一播就發生怪異事件, 這首就是電影"靈氣迫人"的主題曲"夜夜痴纏", 這種事的真相當然不得而知, 不過就成為一件經典的神怪事件。 二千年代為其夫江華監製唱片, 江雖然係電視小生, 但其樂壇成就當然不及老婆。[/size][/font]
[font=新細明體][size=3][/size][/font]
[font=新細明體][size=3]黃敏華[/size][/font]
[font=新細明體][size=3]八十年代歌手所勁之處, 就係即使佢本身唔紅, 但都總會有首膾炙人口的歌曲。 當年中學的水陸運會中, 實會聽到看台上的啦啦隊唱起"挑戰": 豪情踏上前, 力量似閃電, 誓如火炬燃, 衝出昨天......"。 黃敏華其實都係港姐出身, 也參加過多個歌唱比賽, 記得有"86年亞太流行曲創作比賽", 參賽歌"悟", 只係冇乜人記得, 佢的蹤影就好似流星咁一閃即逝, 唯獨歌曲至今難忘。[/size][/font]
[font=新細明體][size=3][/size][/font]
[font=新細明體][size=3]黃翊[/size][/font]
[font=新細明體][size=3]提起運動會打氣歌, 不得不提當年另一首好HIT的, 88年奧運會主題曲"一呼百應"; 合唱者李明珠, 唱罷此歌後即消聲匿跡; 黃翊之後就拍過李克勤和黃貫中主演的"淘氣雙子星", 又與當時剛出道的梁榮忠和林映輝一起主持音樂節目"SUNDAY新地帶", 成名作"最愛的你"更加係當年瘋摩一時。 現在黃翊已經轉行, 在大埔開食肆, 並和前亞視女藝員陳存正未婚生子。 [/size][/font]
[font=新細明體][size=3][/size][/font]
[font=新細明體][size=3]夏韶聲[/size][/font]
[font=新細明體][size=3]搖滾之父, 其名曲"童年時"中的一句: "童年時我與妳打韆鞦想要攀月亮", 你我都記得被改成經典的有味歌詞。 當年那些社區中心或者街坊福利會之類每逢搞親父親節活動, 例必會播"空凳", 其實我覺得有點大吉利是, 因為歌詞係講父親已經不在了, 不過都好有意思。[/size][/font]
[[i] 本帖最後由 風少 於 2007-2-21 05:16 PM 編輯 [/i]] [quote]原帖由 [i]風少[/i] 於 2007-1-27 05:55 PM 發表
首先非常感謝版主將此劣作置頂, 承蒙錯愛, 在下定必繼續努力, 與大家一起重溫我們敬愛的八十年代樂壇。 ... [/quote]
風少兄太客氣了，本貼內容可謂論盡香港八十年代樂壇，兼且圖文並茂，將之置頂亦是理所當然。
而且，你不時跟進主題內容，更修正之前所用字體，令編排更加清晰，這兩點是我更加欣賞的。我認為，這是作為一個發帖者重視自己所發主題的表現，亦是一個發帖者應有的態度。
感謝你對本版的支持，歡迎你多瀏覽本版，發表主題及回覆交流。
[[i] 本帖最後由 vwfl 於 2007-1-28 10:59 PM 編輯 [/i]] [color=#000000][size=10pt][size=10pt][size=2][size=3][font=新細明體][size=10pt][size=3][font=新細明體]無[/font]綫[font=新細明體]被譽為本地傳媒之首[/font], [font=新細明體]所以自[/font]1986[font=新細明體]年成立的勁歌金榜就順理成章為各大音樂流行榜的龍頭。[/font][font=新細明體]當年的歌曲一般上榜的時間較現在長[/font], [font=新細明體]冠軍歌更有機會蟬聯數星期[/font], [font=新細明體]大家都重記唔記得當年羅文 "[/font][font=新細明體]幾許風雨" [/font][font=新細明體]曾經雄踞榜首四星期[/font], [font=新細明體]張國榮 "[/font]STAND UP" [font=新細明體]亦達三星期之久[/font], [font=新細明體]其他兩星期的歌曲簡直不計其數[/font], [font=新細明體]而現在已經很少會出現蟬聯現象[/font]; [font=新細明體]另外[/font], [font=新細明體]以前冠軍歌退位後多數係慢慢降落至跌出榜外[/font], [font=新細明體]唔似得現在[/font], [font=新細明體]上星期係冠軍歌[/font], [font=新細明體]今個星期就消失咗[/font]; [font=新細明體]現在歌曲只會直上直落[/font], [font=新細明體]但以前是有機會反彈[/font], [font=新細明體]記得有張學友 "[/font]AMOUR", [font=新細明體]跌落三位後又回升至第二位。[/font][/size][size=3][font=新細明體]繼續為大家介紹一下當年我們的偶像:[/font][/size]
[size=3][/size]
[size=3][/size]
[size=3][font=新細明體]小虎隊[/font][/size]
[size=3][font=新細明體]唔係台灣的吳奇隆、蘇有朋和陳志朋個隊[/font], [font=新細明體]而係由當年三個身形高大的年青人組成[/font]-[font=新細明體]胡渭康、林利和孫明光[/font], [font=新細明體]他們唯一的半張大碟 [/font]"[font=新細明體]可會遺忘[/font]/[font=新細明體]忍著淚說[/font]GOODBYE" [font=新細明體]係和呂方夾埋出[/font], [font=新細明體]當年拍著矮小的呂方一齊做宣傳的時候就更顯出他們十足巨人一樣。[/font] "[font=新細明體]伴我啟航[/font]"[font=新細明體]係經典電視劇[/font]"[font=新細明體]新紥師兄[/font]"[font=新細明體]主題曲[/font], [font=新細明體]至今甚至連當時未出世的人都識唱[/font]: "[font=新細明體]哪吒不怕海龍王[/font], [font=新細明體]幼獅不畏虎和狼[/font].......", [font=新細明體]皆因此劇重播過[/font]N[font=新細明體]次。[/font][font=新細明體]拆夥後[/font], [font=新細明體]孫明光不久就退出娛樂圈[/font], [font=新細明體]胡渭康就唱過幾首經典兒歌[/font]: "[font=新細明體]怪物小王子[/font]"[font=新細明體]、[/font]"[font=新細明體]電子神童[/font]"[font=新細明體]、[/font]"[font=新細明體]小小朋友仔[/font]", [font=新細明體]特別係[/font]"[font=新細明體]黃金戰士[/font]", [font=新細明體]記唔記得以前的細路當唱到[/font]"[font=新細明體]高飛吧[/font], [font=新細明體]高飛吧[/font], [font=新細明體]解開危機[/font].....", [font=新細明體]十個有九個都唱到走音[/font], [font=新細明體]然後就成為偷笑的對象[/font]; [font=新細明體]而林利就繼續在無綫拍過不少劇集[/font], [font=新細明體]之後就改名林立洋轉戰台灣。[/font][/size]
[size=3][/size]
[size=3][font=新細明體]曾路得[/font][/size]
[size=3][font=新細明體]商台[/font]DJ[font=新細明體]出身。[/font][font=新細明體]一曲 [/font]"[font=新細明體]天各一方[/font]" : "[font=新細明體]誰令我能情心一片[/font], [font=新細明體]令我輕柔如水清澈[/font]......", [font=新細明體]大家無可能唔識[/font], [font=新細明體]當然俞琤那段獨白應記一功。[/font][font=新細明體]每當響起[/font]"[font=新細明體]驟雨中的陽光[/font]"[font=新細明體]或[/font]"[font=新細明體]風箏[/font]", [font=新細明體]我個腦不其然就浮現陳秀雯一幕幕的演出。[/font] 曾路得在[font=新細明體]八十年中期淡出樂壇[/font], [font=新細明體]致力在教會推廣基督教音樂[/font], [font=新細明體]成為福音歌手[/font], [font=新細明體]同時擔任歌唱老師[/font], [font=新細明體]林憶蓮，彭羚，鄭伊健等都係佢學生。[/font][/size]
[size=3][/size]
[size=3][font=新細明體]魏綺清[/font][/size]
[size=3][font=新細明體]唔好淨係掛住新聞之花魏綺珊。[/font][font=新細明體]亦係商台[/font]DJ[font=新細明體]出身的魏綺清[/font], [font=新細明體]多年前一個牙膏廣告中那個露出燦爛笑容的少女[/font]([font=新細明體]牌子[/font][font=新細明體]係獅X[/font]), [font=新細明體]相信大家都有印象。[/font] 87[font=新細明體]年一曲[/font]"[font=新細明體]初戀故事[/font]": "LALALA...[font=新細明體]是譜不出戀愛真義[/font]......." , [font=新細明體]掀動過萬千的心[/font], [font=新細明體]曾有段時間成為最多人點唱的歌曲。[/font] [font=新細明體]後來移民加拿大[/font], [font=新細明體]近年復出在加拿大中文電台任[/font]DJ, [font=新細明體]早前回港接受訪問[/font], [font=新細明體]宣傳佢為當地腎臟基金籌款推出的慈善[/font]CD[font=新細明體]。[/font][/size]
[size=3][/size]
[size=3][font=新細明體]盧業瑂[/font][/size]
[size=3][font=新細明體]同樣是商台[/font]DJ[font=新細明體]出身、然後移居加拿大、在當地中文電台工作。[/font][font=新細明體]時至今日[/font], [font=新細明體]仍然有唔少人分唔清盧業瑂和曾路得[/font], [font=新細明體]原因是當年兩人身形和樣貎太相似[/font], [font=新細明體]甚至背景亦都差不多[/font], [font=新細明體]大家同是以 [/font]"6PAIR[font=新細明體]半[/font]" [font=新細明體]大碟打響名堂[/font], [font=新細明體]都唱過麗的電視主題曲[/font], [font=新細明體]分別是曾的 [/font]"[font=新細明體]驟雨中的陽光[/font]" [font=新細明體]一二集和 [/font]"[font=新細明體]浪濺長堤[/font]" , [font=新細明體]盧的 [/font]"[font=新細明體]對對糊[/font]" [font=新細明體]和 [/font]"[font=新細明體]甜甜廿四味[/font]" [font=新細明體]。[/font] 以往[font=新細明體]收音機常有些讓聽眾打電話上去的談心節目[/font], [font=新細明體]每當有人講到自己有親人身患惡疾[/font], [font=新細明體]生離死別的時候[/font], 就會聽到[font=新細明體]主持人播出好無奈的歌聲[/font]: "[font=新細明體]為什麼竟會生病[/font]? [font=新細明體]輾轉反側在床上[/font]......", [font=新細明體]聽罷此曲的聽眾無不搖頭嘆息。[/font] [/size]
[/size][/font][/size][/size][/size][/size][/color]
[[i] 本帖最後由 風少 於 2007-5-23 10:20 AM 編輯 [/i]] [font=新細明體][size=3]近排我叫咗個FRIEND睇下呢篇大作, 佢睇完之後話唔信係我寫, 一定係轉貼別人文章, 因為佢每次同我去唱K, "新歌試唱"內的歌我實係無首識, 點睇我都唔似係一個留意樂壇的人。當然, 文章絕對係原創, 有時我甚至會當咗自己係八十年代樂壇當中的一份子。 無錯, 新歌的確提唔起我興趣, 現在的歌實在太粗製濫造了, 每年一大班人爭住做歌星, 幾十人去爭新人獎, 新歌上榜尤如走馬燈, 不久之後, 很多人連名字都未曾被觀眾記起, 就已經消聲匿跡了, 而幸存的人大都要利用新聞為自己造勢, 而且必須要討得老細歡心, 否則一旦被放入雪櫃, 等到出返來你都已經過時了。 所以現今的歌手都變質成了的一件流行玩意, 沒有了昔日歌手的偶像風範, 將來也難成為經典。難怪BEYOND曾經講過, 現在已經沒有樂壇, 只有娛樂圈。
閒話休題, 今日又講下幾位陪伴我們一起成長的歌手。
陳美齡
香港人當佢日本人看待, 日本人就當佢當香港人看待。 一位揚威日本紅白大賽的香港人唱出: "說一聲香港.香港, 載有我童年夢想, 香港.香港, 叫我不易遺忘...." 你我都會感到驕傲。 當年為日本雜誌拍的水著照片, 有沒有迷倒閣下? 現在佢已經係三子之母, 相信你沒有機會再看。
CITYBEAT
在BAND壇盛世的年代, 最突出莫如CITYBEAT, 一群外籍人士唱起廣東歌: "土佬JOHNNY, 無得揮...."。 可惜BAND的壽命一般都比較短暫, 拆夥後, 主音JOHN LAUDON轉向幕後發展, 現在更成為一位牧師, 並自資製作傳道唱片; 至於其餘成員就近況不詳。 "思念你, 沒忘記......", 一曲"守望你"至今仍然係好受教會歡迎的歌。(我唔係教徒, 係朋友話我知)
劉美君
"....誰願意身體每處任撫摸, 誰願半點朱唇吻千個....", 一首親自填詞描寫歡場女子的歌曲, 奠定了佢情慾歌手的位置, "最後一夜"、"我估不到"、"來吧"等等意識都係非常大膽。佢本人風作亦係開放, 出道時已經和導演兼填詞人王泰來(某人)秘密結了婚, 之後又成為單親媽媽。 當年我學校曾經有人哼起佢的歌被老師聽到, 搞到要捉去訓話咁大劑, 至發現校方竟然會留意這類歌曲, 他們外表就對性慾持大方態度, 實際上始終都係保守。 不過我都鍾意佢其他類型的歌, "一雙舊皮鞋"就令我想MTV中的已故藝員田青。
蔡國權
"匆匆的當天, 太快已消逝, 童年時就如此飄過......" , 斗膽建議版主將"童年"定為本版的主題曲(講下啫)。 以往雖然有很多作曲或填詞出色的歌手, 但係由佢本人親自主唱就未必掂, 至於"順流逆流"一曲就無論由交由小鳳姐演繹, 還是親自操刀, 都一樣贏盡口碑。 一個實而不華的創作歌手, 作風低調, 雖然未曾試過以皇者姿態橫掃各大獎項, 卻贏盡知音人的熱烈掌聲。 "人間怎麼猜得到, 天意的喜與怒, 千秋興衰如何定去路, 人生總可知得到, 溫暖給它記號, 風波中覓前路" 唉! 一場車禍, 只能歸咎天意, 希望佢早日康復。[/size][/font]
[[i] 本帖最後由 風少 於 2007-2-11 10:21 PM 編輯 [/i]] [quote]原帖由 [i]風少[/i] 於 2007-2-11 11:54 AM 發表
[font=新細明體][size=3]蔡國權
"匆匆的當天, 太快已消逝, 童年時就如此飄過......" , 斗膽建議版主將"童年"定為本版的主題曲(講下啫)。 以往雖然有很多作曲或填詞出色的歌手, 但係由佢本人親自主唱就未必掂, 至於"順流逆流"一曲就無論由交由小鳳姐演繹, 還是親自操刀, 都一樣贏盡口碑。 一個實而不華的創作歌手, 作風低調, 雖然未曾試過以皇者姿態橫掃各大獎項, 卻贏盡知音人的熱烈掌聲。 "人間怎麼猜得到, 天意的喜與怒, 千秋興衰如何定去路, 人生總可知得到, 溫暖給它記號, 風波中覓前路" 唉! 一場車禍, 只能歸咎天意, 希望佢早日康復。[/size][/font] ... [/quote]
近日亦有雜誌報導蔡國權車禍後的情況，在此祝福他早日[font=新細明體][size=3]康復！[/size][/font] [font=新細明體][size=3]此版讀者可能比較資深, 但除非你年過四十, 否則廿多年前相信仍未有經濟能力購買唱片和盒帶, 本人便是其中之一。 無錢買又想聽歌, 就要問人借帶來DUB, 或者錄收音機, 有些唱片鋪更有提供DUB歌服務, 約2元一首。 當年固然未有CD-R和MP3, 甚至MD亦係較後期的事, 且MD剛出現時, 白碟動輒要三十元以上, 咁唯有用錄音帶, 還需一部雙卡式錄音機。 我常用的帶就係用最普通的TDK D60 或 D90, 超級市場有售, D90的AB面各45分鐘, 每面足夠錄各一隻專輯, 貪平就買D60, 但可能要掉亂歌的次序務求用盡一面, 這樣另一面就有多些空間錄幾首散歌。 有的懶巴閉的同學要HIGH CLASS, 會用CrO2或METAL帶, 但你部機需要支援此兩種帶, 否則效果更[font=新細明體]差。 錄音帶保養困難, 通常錄上幾次就變質, 聽上幾十次就殘, 若不幸部機"食帶", 多數要報銷了, 勉強救返都會"格格聲"。 由於本人只識聽歌, 唔識玩音響, 如有錯誤請指正。 [/font][font=新細明體]廿多年後, 科技之進步令人吃驚, 從前的煩複, 現已變成一個檔案, 一台電腦加MP3機[/font][/size][/font][font=新細明體][size=3][font=新細明體]就可以DUB歌, 甚至利用[/font]藍芽轉送, [/size][/font][font=新細明體][size=3]手機亦可聽歌。 [/size][/font]
[font=新細明體][size=3][/size][/font]
[font=新細明體][size=3]還是請幾位偶像出場:[/size][/font]
[font=新細明體][size=3][/size][/font]
[font=新細明體][size=3]梁朝偉[/size][/font]
[font=新細明體][size=3]五虎之中繼劉德華之後第二個踏入樂壇, 由電視小生進軍影壇成為影帝, 梁朝偉在影視界的發展確實係非常成功, 但在樂壇上的成績只屬一般, 至少未有奪得幾多個大型音樂獎項, 不過其首本名曲 "朦朧夜雨裡" 絕對係超級經典, 皆因其華星前輩兼樂壇一姐梅艷芳都翻唱此曲 。 同時佢亦為自己主演電視劇新紮師兄續集、新紮師兄1988、大運河、倚天屠龍記 、絕代雙驕等唱主題曲。 到九十年代轉唱國語歌, 成績反而比較理想, 其中 "一天一點愛戀" 大家非常熟悉, 往後就一直以樂壇稀客的姿態出唱片。[/size][/font]
[font=新細明體][size=3][/size][/font]
[font=新細明體][size=3]張明敏[/size][/font]
[font=新細明體][size=3]一連串蕩氣迴腸的民族愛國歌曲, 會令好多人以為佢係大陸歌手, 實際佢係不折不扣的香港人, 香港出生, 79年參加工聯會和港台主辦的 "全港工人演唱賽" 和 "全港業餘歌手演唱賽" 晉身樂壇。 雖然是愛國歌曲, 但歌詞沒有歌頌黨派, 亦不帶政治色彩, 多年來的兩岸三地每逢有愛國節目, "龍的傳人" 、"我是中國人" 及 "我的中國心" 例牌成為大會必播歌曲。
周啟生[/size][/font]
[font=新細明體][size=3]粵語片演員周吉之子, 顧嘉煇的大徒弟。 跟另一位創作唱手郭小霖一樣, 先由幕後走到幕前, 然後回歸幕後隱伏十多年, 再然後又復出幕前。 "孤單的手緊抱著你的腰, 像昨日正相愛的時候........." 一首旋律委婉淒美的 "天長地久" , 彷彿唱響了世間最遺憾的愛情故事, 曾經我每晚都要藉著這歌入夢。 "淺草妖姬" 及 "天使魔鬼混合體" 這兩首迷幻的電子音樂, 經過二十多年洗禮依然妖氣十足。 其侄周永恒挾著叔父之名加入樂壇, 成就遠遠未及, 但就有一單藏有丸仔的新聞令佢知名度大增, 莫非佢太沉迷"淺草妖姬"那種迷幻感覺? [/size][/font]
[font=新細明體][size=3][/size][/font]
[font=新細明體][size=3]雷安娜[/size][/font]
[font=新細明體][size=3]當年的學校SINGING CONTEST, 要揀合唱歌我第一時間會想起林姍姍和陳百強的 "再見PUPPY LOVE" , 不過這首歌男聲部分比較短, 如果女方唔爭氣的話, 情況就好似當年城市故事的一幕, 大家重記唔記得, 蚊豬(吳茜薇)和許志立(溫兆倫)參加比賽就選這首歌, 結果男方都未唱就畀人叮走了, 好彩有另一首勁正的 "人在旅途灑淚時" , 這首和關正傑合唱的電視主題曲, 亦成為雷安娜成名曲。 "舊夢不須記, 事過境遷以後不再提起, 從前情愛何用多等待, 萬千恩怨讓我盡還你.......", 人生或者會經歷種種悲歡離合, 此曲正是唱出我們這種心聲。[/size][/font]
[[i] 本帖最後由 風少 於 2007-2-22 09:59 PM 編輯 [/i]] 風兄~!!! 勁啊~!!!
不過...80年代...仲有一d 歌手...
好似...
鮑翠薇, 區瑞強 都仲未出啊~~
上年年中...去了美國...看了美西台 :$
重播緊 愛情encore, 由區瑞強, 蔡楓華 做, ..女主角...我永遠都唔記得個名 = ="
主題曲:
那天再重聚
詞：鄭國江 唱：區瑞強
念當初歡聚於一起
笑說心裡大志
但今天相聚數一番
要哭也無淚
在匆匆趕又匆匆追
永遠不說後退
讓身邊生活苦追迫
競爭令人累
朋友不要淚垂
人生本多失意
競爭開始了
追不到也是要追
為今天相聚飲此杯
要醉的繼續醉
為今天一別竟不知
那天再重聚 [quote]原帖由 [i]吸血鬼[/i] 於 2007-3-1 09:53 AM 發表
...
上年年中...去了美國...看了美西台 :$
重播緊 愛情encore, 由區瑞強, 蔡楓華 做, ..女主角...我永遠都唔記得個名 = ="
主題曲:
那天再重聚
詞：鄭國江 唱：區瑞強
... [/quote]
《愛情encore》個女主角應該係黃造時... :loveliness:
後來呢首歌多數俾人晌F.5/F.7畢業禮度唱，可能覺得啲歌詞應景...
[[i] 本帖最後由 vwfl 於 2007-3-1 12:23 PM 編輯 [/i]]
回復 #14 吸血鬼 的帖子
多謝吸血兄的支持。區瑞強之前寫咗了, 而且我亦係以《愛情encore》做題材, 你上前一頁睇番啦至於其他歌手我會繼續寫了, 希望會寫到你的偶像。 [quote]原帖由 [i]風少[/i] 於 2007-3-1 05:26 PM 發表
多謝吸血兄的支持。區瑞強之前寫咗了, 而且我亦係以《愛情encore》做題材, 你上前一頁睇番啦
至於其他歌手我會繼續寫了, 希望會寫到你的偶像。 [/quote]
風兄~ 加油啊~~
呢個POST~ 我一定追~!!! :boy11: [font=新細明體][size=3]看過版主和論壇管理員介紹Walkman和電視機的發展, 不過引領我認識樂壇都不是這兩樣, 而是原子粒收音機(其實我唔太清楚是否原子粒, 總之是舊式無卡座的那種)。 以前我主要聽係商業一台, 現在大家都知雷霆881, 即FM88.1兆赫, 而當時係AM廣播, 重記得口號係唱出來: "商業一台864千周", 這頻道現改為英文台豁達864。 開始聽收音機主要是因為當時讀小學上午班, 下午放學做功課, 亞媽當然唔准開電視, 但就准開收音機, 雖然都係會分心, 不過因為完全無聲又好死寂, 佢自己亦好悶, 好在我的成績仍不錯。 就這樣聽了多年, 自然對各歌手及歌曲留下深刻印象。 升上中、大學至工作後, 在家聽收音機的時間很少, 有時間寧願看電視, 加上種種新不如舊的感覺, 因此我對樂壇變得越來越陌生了。
且看我今天帶來的偶像:
關菊英
近年回流香港, 讓大家再次聽到她的歌聲和演出。 人稱 "大公仔", 早於七十年代初只有十四歲時便出道, 由於歌路較為滄桑, 加上外表成熟, 至八十年代已屬前輩級歌手, 其實當時只不過是廿幾歲, 然後和黎小田的短暫婚姻, 到九一年移民加拿大。 其經典歌曲多數為電視劇主題曲, 其中幾首合唱歌 "田園春夢" (伍衛國)、 "倆忘煙水裡" (關正傑) 和 "雪山飛狐"(呂方)大家都很熟悉, 而個人作 "狂潮" 及 "過客" 更是家傳戶曉。
盧冠廷
"AH HA 我要飛往天上, AH HA 像那天鳥傲翔......", 當年青少年中心每逢集體活動, 導師們好興和學員一齊唱 "天鳥" 和 " 快樂老實人", 藉此勸勉各年輕人要好好做人。 一面鬍子加上粗豪的唱法, 很有"佬"味, 唱起 "陪著你走, 一生一世也不分.......", 加上劉天蘭的歌聲, 這首是當時很受老夫老妻歡迎的合唱歌。 而現實中他和唐書琛, 則是作曲和填詞的夫妻檔。 現在的他剃掉了鬍子, 成為環保份子, 致力推動綠色力量。
鄭敬基
最先與陳少偉組成風雲樂隊, 其中歌曲 "ANITA" 最為人熟悉, 可惜很快便拆夥。 (其後陳少偉與蔣志光、王利名組成第二代風雲, 其壽命亦一樣短暫。) 早期因 "偶像占士甸" 一曲而被喻為港版占士甸, 跟著 "酒杯敲鋼琴" 唱到街知巷聞, 再拍電視, 然後過加拿大發展多年, 之後藉著 "烈火雄心" 司徒拔跳樓的一幕: "最孤單的一個晚上, 最清楚的一個晚上, 心中永念記, 從前愉快的悲喜.....", 一曲 "兩脅插刀" 聽到觀眾眼濕濕。 多年來觀眾較記得他和鄧萃雯及鄺文珣的戀情, 但對其歌曲留意程度只是如天上星星般一閃一滅。
露雲娜
原籍菲律賓, 七十年代中後期出道, 初時唱英文歌為主。 "請容我去織夢, 用愛來造陣微風.....", 81年無綫青春劇 "荳芽夢", 大家可否記得這首同名主題曲? 乜話? 你當年太細個? 好, 咁卡通片 "千年女王" 未睇過都聽過吧? "傳說中有個女王在世上, 長長頭髮, 兩眼似星光......" 由她主唱此片頭尾的兩首歌, 多年過一直被拿來和梅艷芳的版本作比較, 但受歡迎程度卻有過之而無不及, 甚至被較多人視為原唱版本。 至八十年代中期, 她極之低調地退出, 此後再無出現過幕前, 至02年賈思樂舉行迷李演唱會前夕收到這位老拍檔的致電祝福, 並向傳媒透露她已婚並有一個當時已十二歲的兒子。[/size][/font]
[[i] 本帖最後由 風少 於 2007-3-3 09:55 PM 編輯 [/i]] [font=新細明體][size=3]前幾篇講過, 以往的歌曲流行的時間比現在長, 當時一首歌閒閒地播到半年, 超過一年亦絕不稀奇, 而今天一個月前的歌就已經算OUT了。 今天唱片業衰退, 業界經常歸咎於盜版和非法下載, 這個當然無可否認, 但歌手們不能持續保持人氣亦實在不無關係。 一般歌手一年大概出一碟, 較紅的可能年頭年尾共出兩碟, 主打歌兩三首, 但如果一首歌只HIT一個月, 就意味著他們有超過半年時間不是歌手身份, 其間轉而拍劇或只出現遊戲節目, 甚至很少曝光, 等到他們再出碟的時候, 給人的印象只是半途出家的歌手, 那倒不如透過電視欣賞他們算了, 無需刻意買唱片, 這樣對唱片銷量自然有負面影響。
以上只是個人感想而非專業分析, 如不同意歡迎討論。 還是繼續向我們的偶像致敬。[/size][/font]
[font=新細明體][size=3][/size][/font]
[font=新細明體][size=3]張德蘭[/size][/font]
[font=新細明體][size=3]"情若真, 不必相見恨晚, 見到一眼再不慨嘆...... " 這首由劉德華翻唱的 "情義兩心堅", 令太家再次記起她的歌聲。 虔誠的天主教徒, 由童星出身, 七十年代四朵金花之一的張圓圓, 到後來獨立發展, 改用"德蘭"這個聖名。 一把輕細膩的聲音, 唱盡了一首首哀怨纏綿的歌曲, 早期如 "網中人"、"鮮花月滿樓" 和 "願君心記取"等, 後期一點有 "情若無花不結果"、"何日再相見"等等。 我比較喜歡節奏輕快的如 "愛的短箭" 、"愛情OK膠" 等。 婚後她淡出樂壇修讀中醫, 現已成為註冊中醫師。 順帶一提, 由於唱法相似, 加上很多的電視劇主題曲, 當時我經常將她和鮑翠薇搞錯。[/size][/font]
[font=新細明體][size=3][/size][/font]
[font=新細明體][size=3]鮑翠薇[/size][/font]
[font=新細明體][size=3]大家記唔記得當年一個廣告 : "紅豆沙甜美, 西洋嘢冇得比", 一曲 "紅豆相思", 令人想起這位昔日的紅豆沙歌后, 今日的她已搖身一變成為保險天后。 一把矯滴滴帶點磁性的聲音, 加上矯俏的外形, 成為她當時的招牌形象。 在八十年代的電視劇熱朝帶動下, 幾首代表作, 由亞視的 "浮生三記" , 以至 "夢裡幾番哀" (決戰玄武門) "、 "兩地情" (薜仁貴征東) 和 "頂天立地" (好女當差) 都是電視劇主題曲。[/size][/font]
[font=新細明體][size=3][/size][/font]
[font=新細明體][size=3]威利[/size][/font]
[font=新細明體][size=3]原名馮偉林, 最初是威鎮樂隊成員, "晨早空氣清新開朗, 陽光溫暖帶來無限美......", 經典的煤氣廣告歌 "陽光空氣", 至今無人不識。 作個人發展後, 亦有代表作: "完全無懼畏障礙, 不壟斷不欺騙, 揮出我身朝氣, 拼發雷和電......." 聽到這首 "獵鷹" 主題曲 "胸懷大志", 大家腦海都會浮現出仔仔江大偉(劉德華)。 八十年代中後期淡出, 至近年跟一班復出歌手間中舉行演唱會。[/size][/font]
[font=新細明體][size=3][/size][/font]
[font=新細明體][size=3]吳國敬[/size][/font]
[font=新細明體][size=3]創作歌手, 現轉至幕後發展, 但仍經常出現幕前。 由 "玩火" 開始認識他的歌, "純真消逝" 是我最喜歡的歌: "純真都因你消逝, 如煙花一剎剩片刻光輝, 以往我這樣沉迷, 獻上至真為情迷, 純真都給你盡毀......", 歌詞充滿怨憤, 卻又不用怎麼激動的風格去演繹。 當然不得不提大家最熟悉的一首: "我說過要你快樂, 讓我擔當失戀的主角, 改寫了劇情, 無言地漂泊, 我說過要你快樂, 換你一生開心的感覺, 原諒我求原諒我......" , 這種犧牲自己成全別人的情操, 唱出了一班夾雜在三角關係之中而又自知並真命天子的朋友的心聲。[/size][/font]
[font=新細明體][size=3][/size][/font]
[font=新細明體][size=3]黃寶欣[/size][/font]
[font=新細明體][size=3]新秀出身, 先任酒廊歌手再出唱片, 其後和鄭敬基合唱 "酒杯敲鋼琴" 而成名。 另外和區瑞強合唱的廣東版 "無言的結局", 為喜歡這首歌而又不識普通話的人提供一個K歌選擇。 唔好睇佢名不經傳, 其首張大碟 "濃情" 即奪白金, 即銷量達五萬張, 當時無綫有播頒獎典禮, 頒獎嘉賓(好似係董驃) 亦嘖嘖稱奇; 正如開始所講, 與八十年代唱片業之蓬勃相比, 現今除當紅歌手外,二三線就算只賣過五千, 亦肯定即刻被公司力捧。 九十年代她過檔亞視, 至97年退出轉行做保險經紀, 憑昔日的知名度在保險界發展非常順利, 到05年自己創業, 與姐妹合資開設美容院。[/size][/font]
[font=新細明體][size=3][/size][/font]
[font=新細明體][/font]
[[i] 本帖最後由 風少 於 2007-3-9 09:18 AM 編輯 [/i]] [quote]原帖由 [i]風少[/i] 於 2007-3-8 01:57 PM 發表
前幾篇講過, 以往的歌曲流行的時間比現在長, 當時一首歌閒閒地播到半年, 超過一年亦絕不稀奇, 而今天一個月前的歌就已經算OUT了。 今天唱片業衰退, 業界經常歸咎於盜版和非法下載, 這個當然無可否認, 但歌手們不能持 ... [/quote]
在七、八十年代，藝人的界定比較明顯，歌手主力就是唱歌、出唱片、開演唱會，偶爾有歌影雙棲或歌影視三棲者，仍然是以唱歌為主打。
反觀時下大部份歌手，都欠缺一份專注。娛樂公司要捧新人，就以歌手身份作為踏腳石，催谷一、兩首歌，到稍有知名度就接拍電影、電視劇、廣告等等，以致歌手身份變得模糊。亦因為其他工作太多，分身不暇，歌藝無進步自不待言，又怎能期望歌曲會流行得長久！
說起威利，我覺得他的歌是唱得不錯的，只輸外形而已。《胸懷大志》亦是我喜歡的歌曲之一。
胸懷大志 (無電視劇《獵鷹》主題曲)
作曲：顧家煇
作詞：黃霑
演唱：威利
胸襟早懷大志 身軀慣捱磨煉
立心去追求理想 尋覓美善
真知激揚熱血 堅忍化為強健
為所愛傾盡寸心 將一切奉獻
* 完全無懼畏障礙 不壟斷不欺騙
揮出我身朝氣 拼發雷和電
盡力盡責去做 天天對準挑戰
衝鋒奮身不顧 我一馬搶先
一生擔承恨愛 一生不愧於天
讓真理光耀我心 不肯有變 * 首先分享一篇文章:
八十年代潮藝重現今朝 (東方日報5-8-06 )
八十年代是本港經濟起飛的年代，富庶的日子令人人勇於創新，誇張的衣飾、創新的音樂風格及電影題材，創造出一個無可替代的「潮流盛世」。為讓大眾緬懷八十年代的美好日子，銅鑼灣世貿中心將於本周日至九月卅日舉行「八十年代潮藝珍藏館」，展出逾百件八十年代流行的唱片、衣飾、玩具及漫畫等，讓港人細味當年。
集體回憶光輝歲月
當年「樂壇一哥」華星唱片亦借出大批當年紅星的獎座、唱片製作圖及手稿海報等。華星唱片版權經理陳素玲表示，八十年代可以說是香港樂壇的全盛時期，孕育出大批走紅中港台的歌星：「八十年代的樂壇好多係真音樂，作曲、作詞人同歌星溝通得好好，令每首歌出都可以成為經典。」
Disco在八十年代盛極一時，當年享譽中環的Disco Disco創辦人陳展鵬亦借出大批有歌星親筆簽名的黑膠唱片及全港第一部DJ Mixer作展覽：「當年的士高好受歡迎，好多歌星的唱片未喺市場賣，已經送畀我播。」不過，隨著卡拉OK興起，的士高開始走下坡，Disco Disco終在九十年代初結業。時至今日，陳展鵬仍將的士高大部分的物品保留：「希望可以請晒過Disco Disco的明星搞個聚會，一齊回憶的士高的光輝歲月。」
繼續是幾位值得我們致敬的歌手:
許冠英
"波士.......餐餐都鮑翅又喫壽司........", 每次飲沙示, 我都會想起這首改篇自Sunny的廣告歌(廣告版由林子祥唱), 雖然版本眾多, 但我都覺得 "波士" 才是正版。 沒有許冠傑的高大英俊, 又沒有許冠文的好口才, 三兄弟之中發展得較欠理想。 聲線和許冠傑很相似, 樣貎就似顧家煇。 只是許冠傑的聲名實在太大, 使雞泡在樂壇多年來一直埋沒於其弟的影子之下, 無法獨當一面, 情況就如梅艷芳的姐姐梅愛芳。 八十年代他轉向影壇發展, 和張學友合演 "猛鬼差館" 系列, 孟超與金麥基這對拍擋搞笑程度, 不在許冠傑和麥嘉之下。 許冠傑引退之後, 雞泡才有較多機會以個人姿態演唱: "恭喜發財利是逗來, 封封金牛放晒落個袋......", 直到花甲之年, 終於有機會舉行個唱。
陳秀雯
八十年代初麗的青春劇幾有水準, 當時我家有追看 "驟雨中的陽光" 和 "對對糊", 一副賢淑的面孔, 令大家都喜歡上陳秀雯。 "我要靠近你, 要咬你食你, 糖一般怎可抵抗你.......", 大家熟悉幾首的歌曲: "甜蜜如軟糖" 、 "YaYa笑壞人"、"震盪" 等, 強勁的節拍加上情慾風格, 和她的外表大相逕庭, 但是又出奇地大受歡迎, 當時我經常聽到街邊細路唱呢句: "你你你引致我震盪......."。 其後過檔無綫, 因主力拍劇而逐漸淡出樂壇, 至回歸亞視後, 反而再次聽到她的歌聲。
葉振棠
近年多個懷舊演唱會的台柱。 七十年代新特樂樂隊出身, 然後個人發展, 八十年初憑著多首數之不盡的經典電視劇主題曲闖出名堂。 幾首很有人生哲理的歌: "戲劇人生"、"人生長跑"、"戲班小子" 和 "難為正邪定分界" , 當時年紀還小的我也來探究這些歌詞箇中的含義。 "忘盡心中情, 遺下愛與痴, 任笑聲送走舊愁, 讓美酒洗清前事......", 歌詞瀟灑得來帶點牽掛, 多年來這首歌令大家憶記過幾多傷心往事? 特別要一提 "笛子姑娘", 由林振強寫給亡妹的歌, 讓大家也懷念這位著名的填詞人。
李麗蕊
早期形象清純, 然後換成WET妹形象。 當年一曲"小妹妹日記": "班房裡偷望他, 時時望他, 想寫紙仔暗暗掟給他, 難明瞭內心, 為何如大蝦, 賓賓跳千下......", 描寫少女情懷的歌, 加上一齣港台廣播劇 "幸運指環", 當年的播放指數真係一時無兩, 幾乎日日都播, 有時重唔只一次, 聽到前奏就已經認得這首歌。 "朋友再見聲聲往昔歡笑來日記取, 憶記舊日情誼痛哭歡笑在校園裡......", 這個版本的 "友誼萬歲", 個人覺得是眾多版本之中最令人感動的一個, 不知大家是否同意?
[[i] 本帖最後由 風少 於 2007-3-20 01:36 PM 編輯 [/i]]
頁:
[1]
2