(轉貼) 2歲Labrador cross等緊一個家
(轉貼) 2歲Labrador cross等緊一個家今日收到義工電話, 佢叫我幫佢\post出黎, 希望搵到有心人幫下lab仔! Lab仔係早前有人轉貼上黎, 0係漁護果隻lab cross. 0係佢deadline前一日, 有人願意領養佢, 雖然義工覺得呢個領養人有d問題, 但因為如果再無人要lab 仔, 聽日就要死! 義工唯有比個領養人領左先, 叫佢簽左agreement, 要比義工跟進lab仔情況, 如有問題義工可取回lab仔!
義工跟住一個星期都有keep住打比個新主人, 知道佢將lab仔綁係花園, 唔比佢入屋, 仲要第一日返到屋企就用凍水同lab仔沖涼, 果日得十一二度, 攪到lab仔病左! 義工今日終於忍唔住, 帶返lab仔走, 而家lab仔係暫養家庭!
Lab仔大約兩歲, 40幾磅, 義工同佢睇左醫生, 抽血check過身體好健康, 義工又帶左lab仔去見一個trainer, 個trainer試過lab仔一d反應, 佢話lab仔一定係labrador cross, 因為佢完全遺傳左lab 0既友善性格, 會”lam” 到人成面濕晒, 好鬼熱情, lab仔又可以同其他狗相處, 除左體形比一般lab細之外, 真係無邊度唔似lab!!!! 性格好o爹, 愛黐人, 少吠, 文靜, 係隻好適合被領養的狗狗, 希望大家可以考慮下牠啦! many thanks!! 佢已經打左晶片, 可安排轉名!
領養人必須承諾替狗隻絶育, 以及出示住址證明
有興趣請直接打比 Iris 81006087 或者 email 去 [email]doghomeless@yahoo.com.hk[/email]
代lab仔多謝大家先! 我好鍾意狗架，最衰我住果度唔養得狗啦，唔係我實要左佢.....
頁:
[1]