打印

隱形拖鞋!?!?

敵敵仔

極級會員

Rank: 8 Rank: 8

發短消息
加為好友
當前離線

1^# 大中小發表於 2006-7-19 11:06 PM 只看該作者

隱形拖鞋!?!?

對啊你冇睇錯-_- 隱形拖鞋!?!?!?!點隱形拖鞋法??

呵呵...LET'S GO!!

Naked Sandals「隱形拖」，是一件今年夏天新興的產品。繼潮爆美國、日本、韓國後，現正式登陸香港。

呢對拖同傳統的人字拖和涼鞋最唔同的地方，在於佢冇人字帶亦都冇一般鞋的鞋身和鞋繩，取而代之的是一層塗於鞋面上帶有黏性的透明膠，當你穿着時，呢層膠會黐住對腳板，驟眼睇就好似冇着鞋咁，故之名為「隱形拖」。
　

　

引用:

過癮之處

1.       冇人字帶，咁就唔會夾腳趾，又唔會曬到有條太陽印。
2.       就咁Fing，好難Fing得甩。*

3.       脫鞋後，一d黐淋淋嘅感覺都冇。

4.       只要簡單咁洗下佢，又可以再着。

5.       可以有很多不同配搭，如係腳背玩水印紋身，配腳趾環、腳鏈、連襪着都得。

引用:

使用方法

1.       先撕下拖鞋上的透明膠片，請保留呢塊膠片，之後有用。

2.       把乾淨的腳板，輕輕印上鞋面，可先從腳踭開始。對好位後向下壓，用手輕按腳趾，使鞋與腳板更貼實。

3.       脫鞋時，只需用手輕輕將對鞋撕下。

引用:

清洗方法

1.       用暖水和番梘清洗拖鞋表面的灰塵及穢物，可以用軟毛刷輕力擦，用水徹底沖乾淨。

2.       放於乾爽清潔的地方，等佢自然乾。

3.       想快的話，可以用唔會甩毛毛既布印乾水份。(如品質較好的眼鏡布)

4.       完全乾後，它的黐性會恢復，可以再着。本來已經完成，但因為香港空氣多塵，最好唔着時，用番塊乾淨的透明保護片覆蓋鞋面。

引用:

注意事項

1. 穿着時，請確保雙腳和鞋面乾淨。

2. 鞋面(帶有黏性的一面)和鞋面不可貼在一起。

明星試著

之前東Touch從美國買了幾對名為Topless Sandal的隱形拖鞋給幾位名星試着，報導的內容如下：

問：呢對野算唔算一對鞋？

答：隱形拖係一個突破傳統框框既idea，一個利用現代科技，將某些事物帶返去最基本的設計，重點在於其創意。你可以話佢係一對鞋，拖鞋，亦都可以當佢係一件玩具。

問：一味靠黐，可以黐幾多次先？

答：好睇個使用者點着，如果定時清潔，有適當的護理，對佢溫柔d，着上百次都冇問題。打個譬如，你對女朋友好d，溫柔d，女朋友留係你身邊既機會都會高d。

問：我連續着左廿個鐘，發覺對鞋既黏力好似弱左，點解既？

答：好正常。腳汗和空氣中既塵粒都會慢慢咁污染對鞋，清洗一下就okay了。

問：落雨時着得唔得？

答：基本上唔會話掂少少水就會甩，不過就唔建議，因為黏力遇水會下降，所以唔好諗住佢得一塊膠咁輕，着住佢練水上飄，到時鞋就飄，你就沉。

問：有冇分男女裝？

答：冇分架。淨係知道着左佢，男既會「型英師靚正」，女既會「超索鬼咁靚」。

問：可以係邊度着？

答：着住佢去同立法局d議員討論「創意工業」和點樣推廣「夏天輕便裝上班計劃」。

問：擔心對鞋唔好睇？覺得佢怪怪地咁？

答：審美眼光見人見智，亦都睇你點襯，不過問題不在於對鞋本身，對鞋9成半以上既地方都比你隻腳遮住。新野一般都會令人有少少怪的感覺，但你試過後，你會愛上其創意，舒適度，同埋個Feel。

　

問：可唔可以連襪着？

答：可以！個Feel仲好正tim，建議試着d冇咁易甩毛毛既襪。

問：沙灘着得唔得？
答：基本上可以，不過唔浸得水，同埋小心沙粒被壓入層透明膠裡面，令到其壽命減少。

報導完畢 OVER