我們是這樣瓜柴@facebook
人，終需一死。
但你有無諗過，喺我地日常生活入面，
其實有好多可能性會令到自己無端端瓜柴？
你又想唔想自己咁樣無厘頭瓜老襯？
定係你已經深信以下其中一項，
就會係自己嘅死法？
如果係，就希望您加入我地嘅「大家庭」，
又或者留字Update 一下，我地原來仲會有更加多未知嘅瓜柴可能......
００．自自然然，老死。
０１．每日要OT 4個鐘以上，一年至少300 日，一世最少四十年，就咁捱死
０２．凌晨坐小巴返屋企，司機車神上身、極速傳說，最後炒左變烈火戰車
０３．空氣質素越唻越差，每日吸太多廢氣，壽命相對越唻越短
０４．由朝到晚，任何地方，所有人嘅二手煙，全面幫助你患有肺癌
０５．食左幾十年煙，每日三包
０６．玩過山車時，突然甩軌而出
０７．行過金鋪，遇著悍匪打劫同差人駁火，俾流彈射死
０８．以為自己食嘅係雞蛋、點知係大陸化學流蛋
０９．夜晚返屋企時遇著變態殺手
１０．玩笨豬跳時條繩竟然斷左
１１．食飯太急噎親、吐唔返出唻
１２．坐華航空難死
１３．行山時俾毒蛇毒虫咬死
１４．十分多人嘅街道出現混亂，人踐人被踩死
１５．爭家產、俾後母落毒害死
１６．烈日三十幾度時老闆仲要你戶外工作，中暑而死
１７．突然海嘯，俾海水捲走
１８．撬左人牆腳，俾情敵用刀插死
１９．成日亂食野又唔節制，搞到高脂肪、高膽固醇、高糖分，最後爆血管死
２０．瞓覺時碌落床，撞死或俾地下嘅雜物整死
２１．搭地鐵或火車時俾人逼落有車唻梗嘅路軌
２２．自己一個行山失足意外，無人行過，手機又收唔到
２３．屋企有一個或以上頂心杉，日嘈夜嘈，精神緊張壓力太大爆血管死
２４．男／女朋友有愛滋病
２５．過馬路時俾唔遵守交通規則嘅車撞死
２６．做手術注射時打錯左空針
２７．行街時俾樓上高空襲物掟到個頭而死
２８．溫室效應加劇，水位越升越高，最後洪水氾濫，全球無一幸免
２９．臭氧層越整越薄，紫外線直接射落地面，人人都患皮膚癌
３０．火災時，走火通道塞滿雜物，逃生不能
３１．俾紅火蟻咬親而有過敏反應
３２．食fing 頭丸點知裡面溝左老鼠藥
３３．去藥房買左假藥返唻醫病
３４．每日無可避免地食太多含有害物質嘅食物防腐劑或香料
３５．食左發芽薯仔中毒
３６．打麻雀糊出十三么興奮過度死
３７．成日飲酒，結果搞到肝硬化醫唔返
３８．連續打機三十幾個鐘暴斃
３９．將唔適合嘅中西藥混埋一齊食，然後中毒
４０．服西藥加烈酒，嚴重破壞肝贜而死
４１．過馬路時俾汽車車頭燈照到、唔識反應俾車撞死
４２．做愛時興奮過度暴斃、或馬上風
４３．坐船時唔覺意俾大浪拋落海，唔識游水浸死
４４．落一條好長嘅樓梯，唔覺意叉錯腳碌左落去而死
４５．去餐廳食飯時侍應唔小心剔親，手上嘅餐刀失手插落自己心口
４６．成日用手提電話同電腦，受輻射影響而致癌
４７．食物標籤明明話無毒、無副作用，但食左幾廿年後先公佈原來含有害物質
４８．食雞泡魚刺身點知食埋有毒內臟
４９．玩集體遊戲or 接新娘俾人玩時，喺不知情下食左花生醬，結果因為自己花生醬過敏、氣管收縮
窒息致死
５０．落小巴未落得切車，但司機趕住開車閂門，夾住件衫或腳，然後就俾心急
嘅司機開車拖行一公里
５１．日日聽老闆開會講廢話，腦細胞嚴重消耗，甚至鬱鬱不歡而終
５２．洗完頭，頭髮水滴經電器通風口落到電子零件上短路，引起大爆炸
５３．飲太多酒後浸熱水浴，引致酒精中毒心臟病發
５４．唔小心咬到舌而死
５５．係車內閂晒窗、開冷氣瞓著左，最後吸入太多一氧化碳
５６．陰天時室外聽iPOD，結果俾雷劈死
５７．做左植物人，最後家人決定同你安樂死
５８．長期坐喺度坐到屁股皮連凳，然後起唔到身搵嘢食餓死（此乃嚴重性長期
OT 症狀之一）
５９．有一日呢個世界上，再無人知道自已叫咩名，再無人知道你嘅過去，再無
人認識自己......
６０．睡眠窒息症突然發作而一睡不起
６１．細個時同兄弟姊妹係床上玩摔角，點知玩得興起之際唔覺意扭到對方條頸
６２．係一個乾燥室內環境底下，身穿某種質料比較易燃羊毛衣，然後有電流或
火花接觸，就此燃起
６３．患某類疾病（如糖尿病），併發症突然發作（如中風），失救致死
６４．只因政見不合，被強權害死、殺死、誣死、或以莫須有死
６５．喺屋企執野，禽低禽高時頭唔小心撞到尖銳嘅櫃角、牆角、床角....
.. etc.
６６．貼身嘅手機電池因抵受唔到高溫而爆炸
６７．因為想減肥而患上厭食症，長期嚴重營養不良致死
６８．醉酒時仰臥，然後俾自己嘅嘔吐物塞住呼吸道窒息
６９．同時「食得急」又「食得多」，在不適出現嘔吐時，嘔穿食道與胃部的接
駁位，導致大量出血死亡
７０．喺空氣不流通狀態嘅室內燒炭取暖......
７１．大廈起火，自動灑水裝置供水總掣之前又俾人閂左
７２．「全世界每年有1300萬人因環境污染死亡，其中中國每年約有238
萬人死亡，是這類死亡人數第二多的國家，
主要是因為食水及空氣受污染」
７３．ＢＢ仔時俾大人玩「搖到外婆橋」，搖得太厲害，結果因為搖晃過度，得
「搖晃碰撞綜合症」而死
７４．前度男友／女友游繩入屋用刀仔吉大脾失血過多而死
７５．細個俾阿媽罰，鎖喺衣櫃內焗死
７６．經常疑神疑鬼最後失心瘋死
７７．掛住做野唔休息，經常性每日只瞓五個鐘或更少，患疾病而死亡嘅機率將
會比正常人高一點七倍
７８．穿鼻環、臍環、或其他嘅環，然後不幸地遇到交通意外時，衝力或撞擊過
猛將「環」壓入皮膚，甚至射穿身體
７９．需要趕住入醫院、或急救時，因救傷車俾人用晒而失救
８０．係Office 、或飛機機艙長期性坐係度唔郁，腳步血液容易喺靜脈形成凝塊，再流返去心肺
，做成致命嘅心肺栓塞
８１．踩中蕉皮，成個人向後一跣，而頭先著地......
８２．喺屋企沖涼時，因為浴缸「散」得太乾淨滑溜，結果又跣親仆死....
..
８３．大半身坐喺露台外面抹窗、大風吹失足跌左落街
８４．寒流襲港，老年人體質虛弱，凍死
８５．打喊露、或者笑得太用力，下頜突然脫骱，呼吸不能，俾口水嗆死
８６．去滑浪遇到肚餓既大白鯊，被咬死
８７．潛水時潛水錶壞左，唔知道原來已經冇氧氣
８８．小時候用膠袋笠頭、扮幪面超人，但綁實又唔記得通窿，焗死
８９．瞓覺時俾垂吊落唻嘅窗簾繩肋死
９０．喺戶外俾人地練習所打出嘅高爾夫球打穿腦
９１．有一日，突然覺得十年如一日，永無新意就快悶死，於是決定從此摺埋.
.....
９２．去日本旅行、遇到平時唔會遇到嘅大地震，最後因為唔識逃生而俾石屎活
埋......
９３．遇到好開心嘅事、或者睇梗周星馳電影而大笑，最後笑到回唔到氣，瓜左
９４．俾跳樓嘅人「責」死
９５．食豆腐時，因為豆腐太滑、未咬得切更流左入喉嚨，於是噎死
９６．用腳不停踢汽水機、想踢到機關令佢跌多罐「免費」汽水出唻，點知汽水
機俾自己踢到開始傾斜翻側，然後俾佢壓死
９７．喺貨櫃碼頭俾強風吹跌嘅貨櫃壓死
９８．俾一個唔識煮飯嘅人去煮全屋人嘅晚飯，結果...... 1. 煤氣爆炸 2. 食物中毒
９９．行商場時俾跳樓嘅人壓死......
１００．
最後，雖然人難逃一死，
但希望您仍然珍惜自己嘅健康，珍惜自己生命。
首頁
