[轉貼] 陸羽仁 炒友私心 想個市早轁 (2007年6月22日)

港股連續三日創新高，進入技術上的無阻力狀態，陸羽仁大大聲叫散戶不要隨便沽空，昨日恒指高開99點後，果然繼續反覆上漲，再創21,969點歷史新高，收報21,954點，升270點；國指氣勢仲勁，升302點創新高，報12,207點，大市成交959億元。期指收報21,917，升239點，比現貨低水37點，成交53,366張，沽空期指者燒了手指，沽空國指者仲大鑊，隨時被人斬埋手指。

　　 美股跌，但港股升，理由是中證監再出利好港股招數，容許券商及基金申請QDII資格辦法，中國股市雖然止跌回升，滬綜指漲1.18%，深成指漲1.05%，但兩市成交額再縮至2532億人民幣，令人相信北水好似真係有小小開始南調，「三保」國壽（2628）[股價及相關新聞] 、平保（2318）[股價及相關新聞] 及財險（2328）[股價及相關新聞] 抽高4.55%至10.22%，財險更創上市新高，內地國壽A股一度漲停，收市升8.25％，外資行現在睇壽仔H股能否衝破30元大關。

　　外資一早紮馬掃期指

　　 港股懶理外圍調整，中環茶友收到料，話開市前，已有外資「紮行馬」力掃期指好倉，即係話外資知道雖然華爾街跌市，但港股肯定要反其道而行，所以開市已經趁「低」做增持好倉，蒙查查之散戶見到有「筍盤」走出沽空，咁就做了大戶點心腬。

　　 茶友話，早兩個星期，港元拆息有走上跡象，幾家大銀行放定聲氣，話隨時要加番港元息口，點知踏入月中，開始見到有錢流入，拆息轉「淋」，他估計可能外資預見有大錢入市，所以先敢在指數創新高水平，趁空軍造淡掃入大量好倉。

　　鰠咁鮋大時代環境，後市會點樣走呢？茶友話自己私心，當然個市最好鞏固一下啦，因為咁先長玩長有嘛，但個市不是由他「獱鯩」，所以自己唔敢估，亦無謂估。按過往經驗，下個星期已經結算，加上昨日成交減縮到不足一千億元，個市在星期五應該會歇一歇，計少少獲利數，順便壓低個市轉下個月好倉，但因為今次升勢罕有地強勁，是否如此好難講，他可以講的，是市底相異常強勁，若然結算前個市軟軟懐，下個月個市就好可能繼續升，從走短線角度，無貨的投資者見個市低鱓，可以考慮撈點貨。

　　優質本地股愈買愈抵買

　　 雖然大市持續創新高，升勢集中在中資股身上，本地藍籌暫時都係無運行，原因是同一個行業，但中資股同非中資股，講出來的古仔就完全唔同，以航空股為例，國策需要加快人民幣匯價升值，令屬於二、三線股的中資航空股同告受惠，中國國航（753）[股價及相關新聞] 、東方航空（670）[股價及相關新聞] 、南方航空（1055）[股價及相關新聞] 又幾已壟斷內地航空業，加上引其入策略性股東等關係，於是出現輪流炒作，近日連國航亦牽涉其中，令炒中資航空股亦是市場其中一個市場重點，至於傳統藍籌國泰（293）[股價及相關新聞] ，業務非常穩定，但因為沒有人民幣匯價因素同重組的古仔講，所以股價竟然開倒車。

　　茶友話，股壇大師林治經常教大家從日常生活中揀股，但最近的中資股升浪，用這個方法就弊傢伙，因為大家若想去美加旅行探親，去國泰訂機票，發覺航空公司生意非常好，按林治法則應該買之可也，點知熱錢十成熟之藍籌股不買，走去捧有匯價同改組概念之中資股，結果令到本地優質股愈買愈抵買。

　　 現在市場焦點，是中資巨企，連帶相關窩輪都吸引到不少資金，所以今個星期股仔以調整為主，但昨日部份股仔視乎不同概念開始有異動，內地券商股申銀萬國（218）[股價及相關新聞] 急漲19.05%，第一上海（227）[股價及相關新聞] 升13.87%；寶光（084）[股價及相關新聞] 大股東每股80仙售9.5%股權予基金，復牌急漲20%，似乎莊家係博大市轁轁，焦點又重返股仔身上。

　　陸羽仁

P.S. 都分析得幾岩既.不過,買紅籌既我,都係貪紅籌一手比較便宜.有得執多幾執.
能夠買得起大藍籌...我要過多十年八載吧.