新 腦 勢 ： 廠 機 、 黃 金 嘜 力 撐 雙 胞 處 理 器 快 4 成
Intel 新 世 代 處 理 器
Core 2 Duo
等 了 一 年 ， Intel 新 處 理 器 Core 2 Duo 終 於 正 式 曝 光 ， 兩 款 新 CPU 均 繼 承 上 代 Pentium D 咁 採 用 雙 核 心 設 計 ， 效 能 提 升 4 成 兼 夾 更 慳 電 ， 仲 高 姿 態 話 支 援 新 一 代 《 Windows Vista 》 ！ 有 新 處 理 器 即 係 有 新 商 機 ， 唔 單 止 名 牌 大 廠 「 出 機 」 力 撐 ， 連 黃 金 嘜 都 有 幾 款 出 名 牌 子 蒲 頭 ， 齊 齊 趕 搭 「 Wintel 」 順 風 車 。 記 者 ： 許 福 合 攝 影 ： 陳 偉 強 Image Girl ： Fion
■ 全 球 同 日 發 布 新 處 理 器 ， 當 然 夠 晒 吸 引 力 ！
距 離 上 一 代 Pentium D 推 出 時 間 只 有 一 年 ， Intel 又 再 發 布 新 處 理 器 ， 同 樣 成 為 腦 界 大 事 ， 從 腦 場 人 人 等 新 處 理 器 落 場 情 況 ， 就 可 以 知 道 用 家 有 幾 期 待 ！ 發 布 會 當 日 當 然 人 頭 湧 湧 ， 介 紹 新 處 理 器 同 時 ， 更 即 場 做 唔 少 測 試 Demo ， 同 場 更 Show 6 部 Core 2 Duo 系 列 電 腦 ！
內 置 4MB 破 盡 紀 錄
■ Core 2 Duo 運 作 時 用 電 量 約 為 110w ， 而 Pentium D 就 高 達 161w 。
Intel 由 1993 年 就 用 「 Pentium 」 作 為 處 理 器 名 字 ， 無 論 之 後 Ⅱ 、 Ⅲ 到 近 期 Pentium D 都 一 樣 ， 而 今 次 轉 用 新 名 字 Core 2 Duo ， 可 以 知 道 核 心 經 過 重 大 革 新 ， 以 往 NetBrust 架 構 ， 更 勁 型 號 同 時 亦 代 表 用 電 及 熱 量 更 高 ， 新 處 理 器 新 架 構 ， 採 用 最 先 進 65nm 制 程 製 造 ， 內 更 精 密 複 雜 同 時 ， 卻 能 將 用 電 量 降 低 40% ， Desktop 慳 電 之 餘 ， 對 Notebook 用 家 講 更 係 意 義 重 大 。
新 處 理 器 將 分 為 大 眾 化 Core 2 Duo 及 最 高 檔 Core 2 Extreme ， 外 頻 使 用 1,066MHz ， 而 L2 快 取 記 憶 高 達 4MB ， 比 過 往 1 至 2MB 跨 進 一 大 步 ！ 支 援 EM64T ， 即 係 話 緊 《 Windows Vista 》 可 全 面 兼 容 ， 而 核 心 時 脈 速 度 最 低 為 1.66GHz ， 最 高 型 號 更 可 達 2.93GHz 。
Core 2 可 配 合 945 、 975X 、 965 底 板 晶 片 組 使 用 ， 就 算 Notebook 亦 可 直 接 「 換 腦 」 ， 過 程 不 用 5 分 鐘 即 完 成 ， 升 級 簡 單 兼 免 除 大 換 血 之 苦 。
■ 新 處 理 器 而 配 合 945 、 975X 、 965 晶 片 組 底 板 使 用 。
■ 一 般 945 電 腦 只 須 經 過 更 新 BIOS ， 就 能 兼 容 新 處 理 器 。
■ Core 2 分 高 低 階 兩 款 級 數 ， 其 中 Duo 售 價 較 平 ， 主 打 入 門 級 用 家 。
■ 另 一 顆 Core 2 Extreme 最 高 檔 ， 內 置 4MB L2 快 取 ， 時 脈 速 度 更 可 達 2.93GHz 。
查 詢 ： Intel 官 方 網 （
www.intel.com/apac/core2duo/ ）
3D 遊 戲 難 佢 唔 倒
從 Intel 數 據 提 到 ， 新 Core 2 Duo 相 對 於 之 前 Pentium D ， 整 體 表 現 快 40% ， 不 過 數 字 歸 數 字 ， 當 然 實 際 用 過 先 知 有 幾 勁 。 即 場 就 將 Core 2 Duo 同 Pentium D 作 一 個 比 較 ， 首 先 使 用 《 CineBench 》 測 試 ， 當 Core 2 Duo 完 成 時 ， Pentium D 只 係 出 到 一 小 半 圖 ， 速 度 快 達 1 倍 ！ 而 《 3Dmark 05 》 上 ， 只 需 3 分 21 秒 左 右 就 完 成 測 試 ， 更 可 以 話 係 飛 毛 腿 ， 更 勁 結 果 出 現 《 SYSmark 2004 SE 》 上 ， 係 首 個 處 理 器 可 以 預 設 速 度 上 突 破 400 分 大 關 。 就 算 以 現 場 Demo 機 中 ， 試 玩 要 求 運 算 能 力 極 高 《 Battlefield 》 ， 可 以 見 到 全 程 都 好 暢 順 ， 尤 其 當 出 現 大 量 敵 人 一 擁 而 上 時 ， 更 唔 覺 窒 畫 面 ， 好 多 記 者 都 話 玩 得 爽 。
■ 以 3D 遊 戲 《 Battlefield 》 測 試 ， 強 勁 處 理 器 配 3GB 記 憶 體 ， 全 程 只 能 用 爽 來 形 容 。
■ 《 CineBench 》 測 試 時 ， Core2 Duo 快 近 1 倍 。
廠 商 齊 Show 新 機
今 次 現 場 示 範 電 腦 之 中 ， 分 別 有 用 上 Core 2 Duo 及 Core 2 Extreme ， 其 中 分 為 3 部 名 牌 套 裝 機 同 3 部 黃 金 嘜 機 ， 雖 然 運 作 上 完 全 無 問 題 ， 不 過 由 於 6 部 機 均 係 純 屬 「 示 範 」 ， 最 後 賣 街 型 號 同 規 格 都 唔 可 以 作 準 ， 只 供 各 位 參 考 。
套 裝 機 類
3GB 記 憶 體
Dell
Dell 新 機 外 形 同 賣 緊 型 號 差 唔 多 ， 使 用 Core 2 Extreme X6800 （ 2.93GHz ） ， 再 配 合 高 達 3GB 記 憶 體 及 GF 7900 GS 顯 示 卡 ， 完 全 係 發 燒 友 級 數 。
規 格 ： Core 2 Extreme X6800 （ 2.93GHz ） 、 3GB 記 憶 體 、 100GB 硬 碟 、 GF 7900 GS 、 DVD ± RW
印 DVD 碟 面
HP
HP 新 機 規 格 上 較 大 眾 化 ， 選 用 入 門 級 Core 2 Duo E6400 （ 2.13GHz ） ， 配 2GB 記 憶 體 ， 論 規 格 較 抵 玩 ， 仲 有 自 家 印 碟 面 燒 碟 機 。
規 格 ： Core 2 Duo E6400 （ 2.13GHz ） 、 2GB 記 憶 體 、 100GB 硬 碟 、 GF 7600 GS 、 DVD ± RW
內 置 顯 示 卡
NEC
NEC 部 機 採 用 內 置 顯 示 卡 965 Express ， Core 2 Duo 支 援 下 ， 睇 到 遊 戲 畫 面 都 有 水 準 。
規 格 ： Core 2 Duo E6700 （ 2.66GHz ） 、 512MB 記 憶 體 、 60GB 硬 碟 、 965 Express 、 DVD-RAM
黃 金 嘜 類
大 胃 王 300GB 硬 碟
Centralfield
Centralfield 砌 機 夠 晒 出 名 ， 呢 部 黃 金 嘜 用 上 Core 2 Duo E6700 （ 2.66GHz ） ， 配 2GB 記 憶 體 ， 規 格 都 唔 算 差 ， 硬 碟 更 高 達 300GB 。
規 格 ： Core 2 Duo E6700 （ 2.66GHz ） 、 2GB 記 憶 體 、 300GB 硬 碟 、 GF 7600 GT 、 DVD ± RW
硬 件 配 搭 中 規 中 矩
2theMAX
2theMAX 砌 機 同 樣 使 用 內 置 顯 示 卡 965 Express ， 處 理 器 使 用 Core 2 Duo E6700 （ 2.66GHz ） 配 1GB 記 憶 體 。
規 格 ： Core 2 Duo E6700 （ 2.66GHz ） 、 1GB 記 憶 體 、 80GB 硬 碟 、 DVD-RAM
豪 裝 ATI X1600
Metalware
唯 一 使 用 ATI 顯 示 卡 電 腦 ， 其 他 硬 件 規 格 亦 夠 豪 ， 晒 實 力 之 作 。
規 格 ： Core 2 Extreme X6800 （ 2.93GHz ） 、 1.5GB 記 憶 體 、 160GB 硬 碟 、 ATI X1600
首頁
