自製龍鬚糖

自製龍鬚糖

材料：
糯米粉　３００克
椰絲　　　７５克
砂糖　　　７５克
花生碎　　４０克
芝麻　　　４０克
粟米膠　　７５毫升

製作方法：
一　先將粟米膠煮滾，倒入一個細細哋嘅器皿裏面，喺室內擺四粒鐘左右（唔好擺入雪櫃），
　　等粟米膠凝結成為餅狀，再喺中間開窿。

二　輕輕灑啲糯米粉，將中間個窿拉闊，將其中一邊扭轉成「８」字形，再將兩個圈黐埋，重
　　複動作，以幾何級數增加圈圈嘅數目。圈圈越多嘅話，粟米膠就越幼細，直至出現一絲絲
　　咁樣。

三　用拇指輕輕拉斷粟米膠絲，每一段約１０至１２ｃｍ長。

四　將其餘嘅材料攪拌攪勻，成為餡料。

五　用粟米膠絲包著餡料，先向自己嘅一邊包埋，再向外邊包埋，再稍為修飾兩邊，咁就攪掂
　　啦！

（喺一般嘅日式超市都可以買到粟米膠）