樂安排海水化淡廠

今天在報章上看到一段有關海水化淡廠的副刊，想為大家介紹一下這座已經從地圖上消失的建築物 -- 樂安排海水化淡廠。

樂安排海水化淡廠，又稱小欖海水化淡廠，位於香港屯門區樂安排，是香港昔日的一座海水化淡廠，亦曾經是全世界規模最大的海水化淡廠，現已停止運作及拆卸。雖然只運作了短短數年，但在70年代解決本港水源短缺的問題上，樂安排海水化淡廠佔有重要的地位。

化淡廠建於青山公路小欖段的旁邊，佔地達15英畝，臨海而建。選址樂安排主要有三個原因。首先，樂安排一帶較接近珠江口，海水鹽份較低，易於進行蒸餾過程。此外，樂安排鄰近大欖涌水塘，化淡後的食水可直接輸往水塘儲存。加上樂安排遠離市區，並不會影響民居。整個海水化淡廠計劃耗資4.6億港元興建。使用燃燒石油作為海水加熱蒸餾技術，每日最多可生產6千萬加侖淡水。而兩支高達123米的巨型煙囪，是當時香港最高的煙囪，亦成為了象徵該廠的標記。

1963年6月，香港發生嚴重旱災，逼使香港政府實施每四天只供水四小時的措施。為避免事件重演，香港政府作出多個水利工程，因此於1972年7月31日，香港政府正式宣佈於樂安排興建海水化淡廠。海水化淡廠於1975年10月15日建成，並於1977年9月全面投產。

然而由於石油危機導致原油油價飆升多倍，化淡成本更為昂貴。另一方面從廣東省的供水量大幅度增加，結果海水化淡廠於1982年正式關閉及停用。廠房土地於1991年被人以3000萬港元收購，廠房則於1992年以爆破方式拆卸，原址現時已發展為一個跳蚤市場。

整咗咁耐都未用過

引用:

原帖由 fck1955 於 2007-3-22 08:35 AM 發表
整咗咁耐都未用過

海水化淡廠係有用過嘅。

化淡廠1975年10月落成之後，第一部機組亦同時開始運作，並於1977年9月全面投產，當時每日生產18萬立方米淡水。到1982年因為成本太貴於是正式關閉。

我知道係用過下，不過記得啲水好似倒番落海，敬請指正！

引用:

原帖由 fck1955 於 2007-3-22 10:21 AM 發表
我知道係用過下，不過記得啲水好似倒番落海，敬請指正！

生產出嚟嘅淡水應該會輸送到大欖涌水塘儲存，未見有記載話倒番落海，如果你有呢方面嘅資料出處或者圖片，不妨貼出嚟同大家分享吓。

引用:

原帖由 vwfl 於 2007-3-22 10:31 AM 發表

生產出嚟嘅淡水應該會輸送到大欖涌水塘儲存，未見有記載話倒番落海，如果你有呢方面嘅資料出處或者圖片，不妨貼出嚟同大家分享吓。

可能太耐我唔記得都未定

引用:

原帖由 fck1955 於 2007-3-22 11:04 AM 發表

可能太耐我唔記得都未定

這與是否太耐唔記得無關，而係理性推斷問題。
即使那些淡水是多餘無用（以香港長年缺水，根本不存在多餘無用的淡水），
請用你智慧的腦子想想，因乜理由要倒番落海而不輸往水塘？

真係好少人知道

very good, thank you very much

好似停用後將d機器賣左比d中東佬