我原本都唔想咁多事，但係今日當我聽到屋企人講呢個世紀賤男的故事之後，我實在忍唔住要發洩我的怒火和不憤。呢個世紀賤男係我細佬幼稚園同學的爸爸，姓歐陽，住係天水圍天盛苑，佢對佢老婆真係賤到離曬譜：

佢老婆上個月尾剛剛生完第二個仔，依家個仔仲未滿月，係佢個仔出世果日，話說佢老婆打電話俾佢，話俾佢聽個仔出左世，點知佢同個老婆講，話老婆的家用只係剩番2000蚊炸，慳d洗，完全無問下個老婆同個仔點。之後今日，我屋企人上去佢屋企探bb，一按門鐘，個男人就一路個電話吵架，一路開門，個老婆就抱住個bb，坐係角落頭度喊。原來個男人同佢外母吵架，話說佢外母上佢屋企幫個女坐月，上去佢屋企幫佢做家務，個男人見到，罵個外母好幫佢做，個外母話，個女人剛剛生完，更係要幫佢做下野，點知個男人話，你果邊係咩品種呀，要幫佢做野。跟住我屋企人問佢，有無餵過bb奶，點知佢話無，仲話未抱過個bb。呢個男人，唔錫個仔不突止，更唔錫個老婆，話說個老婆陀緊果陣時，粗身大細仲要大熱天時，買送煮飯湊個大仔，而個老公寧願睇股票，都唔幫佢做野，當個老婆煮埋飯俾佢食，佢仲要話難食，之後一個人自已落街食。個細仔出左世之後，有一次去健康院檢查，個老婆抱住個bb，行到一門前，個男人竟然企係後面，等個老婆開門，仲話，你做乜唔幫我開門呀。佢個大仔二年班，用緊的仲係幼稚園細細張果d桌和椅，個老婆叫佢買個張，佢竟然話，你乜都要買嫁啦，最好乜都買曬俾你！而佢自已就用幾千蚊幾百蚊買Wi-Fi同電腦。佢個大仔有扁平足，佢賴係佢外母抱佢抱到咁，仲同外家炒大鑊，最後佢到醫院驗，個醫生話係遺傳，唔關第二個事。個老婆幫自已呀媽，佢話都唔知兩個仔係咪佢生，要驗DNA。

依家個女人成日打俾我屋企人訴苦。我地叫佢離婚。呢個男人，又唔靚仔，又無錢，對人仲差過對隻狗。你地覺得，個女人應不應同個人渣離婚？

唉!真係遇人不淑

呢種人拿去人道毀滅 !!

個女人同個仔好可憐

真係幾賤下

那女人真慘.................