標題: 麻雀學習日營 暨 3Talks第一次麻雀聚會 - 7月22日(六) [打印本頁]

---

作者: 東風    時間: 2006-6-25 11:44 PM     標題: 麻雀學習日營 暨 3Talks第一次麻雀聚會 - 7月22日(六)

特別通告:原定於22/7舉行的麻雀大學學習日營活動, 當日所有活動宣佈取消.


3Talks麻雀大學舉辦: 麻雀學習日營 暨 3Talks第一次麻雀聚會 - 7月22日(六)       

想第一次學打麻雀就上手？
對麻雀遊戲一知半解？
想施展你超卓麻雀技術？
咁你一定唔可以錯過今次聚會啦！

日期：2006年7月22日(六)
時間：9AM~6PM
地點：太子娛樂城
地址：九龍旺角太子道西150~152號太子商業大廈4樓
集合時間：8:45AM，逾時者請自行前往
集合地點：太子地鐵站“E分鐘著數”前(近B出口)
費用：原價每位$70 現特價$60
(20歲或以下之全日制學生，$40) (請在報名時註明)

有野食 / 有野飲

截止報名日期：7月19日(星期三)晚上11時59分
請儘快報名，以便計算預算開支及安排Book房，
若果要遲到，請在報名時註明幾多點才到。

營規:
- 不准在”課室”內吸煙
- 比賽時遵從大會規則

當日程序

麻雀大學學習日營(9AM~1PM)

初階 (9:00~9:50AM)
        認識麻雀牌、流程及構成胡牌的元素
        如何洗牌、疊牌、擲骰、拿牌
        如何摸牌、打牌、上、碰、槓、食胡

進階 (9:50~10:30AM)
        風位的認識與麻雀基本用語
        如何執位
        如何數翻及役種介紹

麻雀練習時間(10:30AM~11:00AM)

高階 (11AM~11:30AM)
        花牌介紹
        麻雀特別用語及牌例講解
        麻雀基本章法及戰術

麻雀練習時間及午飯時間(11:30PM~1:00PM)
(請自費輸流出外用飯)

麻雀比賽規則 (參考)
(由於是比賽的關係，所以規則較嚴格、公平、公正、以及減少運氣成分為本，令到比賽更加緊湊、明快)

- 1翻起胡，半銃制
- 兼打門前清
- 不打花，旺牌14隻(尾留七戙)
- 食詐胡者，那局不可以再食胡、上牌、碰牌及開槓
- 只有十三么才可以搶暗槓食胡，可以俾人截胡
- 開大明槓的槓上花，計作一翻槓上花而不當自摸食胡，以及當出銃計算
- 流局過莊

- 有大三元，大四喜包牌
- 清一色九章包出銃，十二章包自摸
- 有五子包生，最後摸牌者，不需打牌回河裡
- 有侷打不包輸，包先不包後

- 話碰要碰,碰大過上,食胡大哂
- 碰一不碰二,胡一不胡二
- 不得哂牌，否則作詐胡論
- 不准打開口牌
- 不能看別家的牌
- 詐胡不可截真胡
- 一摸不能胡

(若比賽期間有特別問題不懂如何解決，請交由fung83處理)
翻數表：
一翻:
門前清  平胡  自摸  三元牌  門風牌/圈風牌  海底撈月(未另計自摸)
槓上花(未另計自摸) 搶槓(當出銃論)

兩翻:
冚手胡

三翻:
對對胡 混一色 小三元(未另計三元牌翻數) 花么九(混么)

六翻:
清一色

例牌:
天胡(莊家一開牌而能食胡) 地胡(閒家食莊家首隻打出的牌)
人胡(閒家首隻摸的牌而能食胡)
坎坎胡 十三么 全字胡(字一色) 大三元 小四喜 大四喜 槓上槓自摸
全么九(清么) 十八羅漢(四槓) 九字連環 槓爆(鐘鼓齊鳴)(海底撈月兼槓上花)

翻數與分數對應表:
翻數                         出銃              自摸
------                   ----------------------    ---------------
  0           雞胡   1+1+2=4                    - -
  1           一翻   2+2+4=8                4+4+4=12
  2           兩翻   4+4+8=16              8+8+8=24
  3           三翻   8+8+16=32            16+16+16=48
4, 5, 6     滿胡   16+16+32=64         32+32+32=96
7, 8, 9     雙辣   32+32+64=128       64+64+64=192
10 +        三辣   64+64+128=256     128+128+128=384
*出銃最大數字為出銃者要付出之分數

報名請回覆此post

---

作者: eric    時間: 2006-6-26 02:00 AM

居然有o的咁o既事?!
做觀眾應該要收入場費果可?!

---

作者: 吸血鬼    時間: 2006-6-26 09:12 AM

1 番起糊...仲要半銃...一定唔玩...有個清兵同枱就會火滾的了..

---

作者: 道明    時間: 2006-6-26 01:33 PM

Oh~~~baby  沉迷賭博等於釣泥鯭過海，收手啦！比晒D錢道明幫你作個福重好啦！

---

作者: eric    時間: 2006-6-29 12:57 AM

引用:

原帖由 傻ｂ＊貓貓＿ 於 2006-6-28 20:29 發表
好似幾好玩咁@@

未夠秤

---

作者: fung83    時間: 2006-7-1 09:28 PM

宣傳了差不多一週，報名人數暫時不多，看來我要詳細地解釋今次活動的安排：

今次的活動絕對不是鼓吹賭博，本人一直都不同意”打麻雀”是等於"賭博"，所以今次的活動宣傳並沒有涉及賭博和加入賭博的字眼，而本人也不喜歡賭博。

我安排今次活動在日頭舉行，一方面可以令費用較便宜；另一方面，又可以令年輕的版友可以參與其中。有人和我說他自己”未夠秤”，不過我特意安排在地鐵站集合，所以較大的版友可以幫手掩護一些年輕的版友一同上去麻雀房。況且，由於我們的活動並沒有涉及賭博，所以應該沒有犯法的。同時亦可以令在職和在學的版友都有機會參與其中。(但如果在職的版友下午仍要工作,則沒有辦法了...)

牌例方面，我已經預計一定會有版友不喜歡玩”一翻起胡留旺牌”和”半銃制”。

但我想反問一些喜歡玩”三翻起胡摸到尾”的版友，你平時用這種規則打麻雀(當然是打真麻雀，不是打機)，若果是打四圈的話，究竟平均花了多少時間去打呢？

如果用”三翻起胡摸到尾”這個規則，套用今次的比賽當中，我估計可能到下午六時後都不能開始決賽，若果加時的話，費用就不只這個價錢了......

而”一翻起胡留旺牌”，是麻雀遊戲的傳統規則，也是比較公平的規則。一來可以令一些"麻雀新手"更容易參與在其中，二來可以令遊戲時間大大縮短。而”半銃制”可以令"麻雀新手" 沒有輸得那麼 ”傷” (除非他要包輸清一色/大三元/大四喜)，又可以令他們玩耐些。

有人說：”這樣便不能食大牌了。”但是我可以和你說，大牌難食是正常的，所以才會叫做”大牌”，所以大牌俾人截也是理所當然的。但是我經常試過一個情況，就是一起手自己有能力做牌，但剛巧其他三家也能做牌......所以大牌不是完全沒有機會食的。

其實，今次的活動的重點活動是"麻雀學習日營"，所以希望一些不懂打麻雀，而很想學打麻雀的版友可以參與今次的活動。”課程”由淺入深，一定可以令你”第一次學打麻雀便上手”。

其他懂得打麻雀的版友也希望你參與今次的活動，視為一種聯誼活動，不是"賭博"活動。

[ 本帖最後由 fung83 於 2006-7-1 10:21 PM 編輯 ]

---

作者: fung83    時間: 2006-7-10 03:49 PM

引用:

原帖由 tszhoh 於 2006-7-5 09:28 AM 發表
呢排冇錢-.-
參加唔到~
請起打牌
我上次終於食左一鋪爆棚

由今日開始，每日儲6-7蚊,到個日就夠錢架啦!

---

作者: fung83    時間: 2006-7-15 01:32 AM

引用:

原帖由 ㊣修羅-黑暗㊣ 於 2006-7-10 04:27 PM 發表

夠唔夠腳呀果日？

現在修訂了個參加費用，以及取消了下午的”麻雀比賽"。下午改成"自由打牌"，而上午的"教打牌環節"則照常。(詳細請看第一個Post)

希望可以多D人參加！

---

作者: 道明    時間: 2006-7-16 12:22 AM

其實係咪講緊台灣牌？

---

作者: piyo8088    時間: 2006-7-18 10:32 AM

觀眾要唔要收錢?

---

作者: 亡心    時間: 2006-7-18 03:05 PM

好想開台...不過唔想賭錢

---

作者: fung83    時間: 2006-7-18 08:57 PM

我地既活動係冇要求要賭錢,特別是下午的"自由打牌時間",唯一要俾既只係今次活動既費用.
如果要真係要賭錢既話,只要同檯既四個人同意就可以.

至於觀眾方面,上午既"麻雀學習日營",大部分時間都係我講解,所以點都係做"觀眾"...
另外,雖然個假錢係$60,但係到時如果多人參加,未必要俾足$60,所以希望大考盡快報名.

---

作者: 亡心    時間: 2006-7-21 12:59 PM

做咩取消左既？唔夠人呀？

---

作者: fung83    時間: 2006-7-21 03:42 PM

引用:

原帖由 亡心 於 2006-7-21 12:59 PM 發表
做咩取消左既？唔夠人呀？

我開頭計劃既時候諗住會有十幾人報名,
點知宣傳左接近兩個禮拜都係咁少人報名,甚至有人對今次活動作出反對,我就諗住如果至少有八個人報名參加我都會照攪.
但到昨晚仍然少於八人報名,所以今次活動我決定取消.

就算最後一刻夠四個人報名都唔會舉辦,因為一來太少人就沒有氣氛,二來如果要四個人由早上九時一直打到下午六時是很辛苦的,打得太多都會悶啦...
所以多幾個人參加就可以輪流打,唔驗咁辛苦...

點都好,雖然而家最後攪唔成,但希望遲下會有多D人會參加3Talks既活動.
大家亦可以提議3Talks將來可以攪乜野類型既活動......

---

作者: 亡心    時間: 2006-7-21 10:24 PM

引用:

原帖由 fung83 於 2006-7-21 15:42 發表


我開頭計劃既時候諗住會有十幾人報名,
點知宣傳左接近兩個禮拜都係咁少人報名,甚至有人對今次活動作出反對,我就諗住如果至少有八個人報名叠...

下次3talks搞活動時加個麻雀團未得囉

---

歡迎光臨 3Talks 港人自講討論區 (http://3talks.com/)

Powered by Discuz! 6.1.0