3Talks 港人自講討論區 - Powered by Discuz! Board

標題: 多名市民驚睹三秒極速閃現 UFO飛越西九龍？ [打印本頁]

作者: ghostfish 時間: 2006-7-27 12:46 PM 標題: 多名市民驚睹三秒極速閃現 UFO飛越西九龍？

多名市民驚睹三秒極速閃現 UFO飛越西九龍？
(太陽) 07月 27日星期四 03:00AM
【太陽報專訊】全球天氣反常，歐美各國持續高溫，美國當局亦要立即調查炎熱的原因，而在本港不但發現「六月飛霜」的異象，上周五深夜時分，九龍多處地方更發現不明飛行物體，多名市民報稱目睹一道強光由西九龍半空閃電飛向昂船洲方向，三秒間極速消失，遠至東涌亦有「目擊證人」。天文台(相關新聞 - 網站)證實當晚接獲兩宗懷疑發現「UFO」報告，曾派員即時跟進觀測，不過並無發現。

多名市民致電電台的靈異節目，親述「第三類接觸」的經歷。的士司機廖先生稱，上周五晚約十一時五十分，他駕車沿亞皆老街天橋往旺角方向行駛，中途突然看見一件金色的橢圓形飛行物體從車頭前方飛過，驟眼看足有四分之一個月亮大，它以炮彈一樣的速度直衝大角咀方向，短短三秒已消失影蹤。廖先生過往曾有看流星雨的經驗，非常肯定眼前沒有「長尾巴」的飛行物體並非流星，在驚魂甫定之後立即致電天文台報告UFO行蹤。

另一位是釣魚發燒友何先生，當時在東涌海旁垂釣時亦目睹神秘飛行物體，一道刺眼的光團閃電劃破長空，「我覺得唔係流星，流星冇飛得咁快，亦冇咁大粒，就好似『龍吐珠』（煙花）一樣咁光，殊一聲唔見。」由於事發當晚萬里無雲，視野十分廣闊，估計由西九龍至大嶼山北部一帶的居民，都可能目擊飛碟出沒。

高速向昂船洲飛行

天文台證實，上周五深夜接獲兩名市民來電，報稱當晚分別在旺角和深水上空，看見一個懷疑為流星一類的圓形發光飛行物體，以高速飛向昂船洲方向，僅三、四秒已不知所終。天文台即時派員望向半空觀測，但由於該飛行物體出現時間太短促，加上可能受市區建築物阻礙視線，並無任何發現。

不過，就在發現懷疑UFO後，自上周六至昨日，本港天氣瞬息萬變，不但發生兩小時二千次閃電及雷暴，多處地區降下滂沱大雨，整個香港更被一層厚厚的煙霞及污染粒子籠罩，一直未有象吹散，天文台解釋是受颱風「格美」下沉氣流影響所致。

天文台發言人稱，天文台近年不時接獲市民發現不明飛行物體的報告，有市民更將懷疑「UFO」照片電郵到天文台，但經分析後推斷應為飛機在半空遺下的凝結水點。發言人承認要從報告中找出背後的真相並不容易，從經驗所得當中不少皆為流星、強光或飛機的「凝結尾」，但天文台仍會把報告逐一存檔，嘗試以科學角度向市民解釋。

有無人見到呀???

作者: GATX105-Strike 時間: 2006-7-27 02:34 PM

信佢都傻，咁多UFO又唔見d衛星探測到

作者: 亡心 時間: 2006-7-27 04:05 PM

呢個世界邊有UFO架....

作者: ghostfish 時間: 2006-7-27 04:13 PM

如果有..我想睇....
XD

作者: 吸血鬼 時間: 2006-7-27 04:20 PM

點解會冇UFO???
呢個宇宙咁大, 點解只可以有地球有生命體???

作者: ghostfish 時間: 2006-7-27 04:20 PM

引用:

原帖由 吸血鬼 於 2006-7-27 04:20 PM 發表
點解會冇UFO???
呢個宇宙咁大, 點解只可以有地球有生命體???

咁你0個日有無留意到..

作者: 吸血鬼 時間: 2006-7-27 05:08 PM

引用:

原帖由 ghostfish 於 2006-7-27 04:20 PM 發表

咁你0個日有無留意到..

冇啊~~~ 上個星期五...果個時間...仲飲緊酒~

作者: 吸血鬼 時間: 2006-7-27 06:00 PM

引用:

原帖由 smile3 於 2006-7-27 05:45 PM 發表

哈哈。吸酒王。

= =||| 酒...happy hour...唔可以唔飲囉~ XD

作者: ghostfish 時間: 2006-7-27 11:14 PM

引用:

原帖由 吸血鬼 於 2006-7-27 06:00 PM 發表

= =||| 酒...happy hour...唔可以唔飲囉~ XD

吸酒鬼...-0-

作者: 及〝時雨〝 時間: 2006-7-28 12:38 AM

呢單野　新成電台　恐怖熱線　都有講，條友打去講到似沉沉咁．．．

作者: eric 時間: 2006-7-28 02:12 AM

其實係鯉魚星星人....

作者: 道明 時間: 2006-7-28 09:26 AM

會唔會係太空隕石進入大氣層啊？
2、3秒燒晒，一部份高溫氣化左，成份包含外星細菌，落到地球之後就自我分裂繁殖，由我地呼吸系統進入身體，不斷增多然後進入大腦製造恐怖幻覺，然後做出種種反常行為，國要攻打國、民要攻打民(聖經啟示錄)，滅世即將開始.........................................
道明劇場之......................火流星
現招演員，飾演火流星一角，要識得"含含"聲咁飛過既叫聲就得啦！

作者: ericlam01 時間: 2006-7-28 01:51 PM

引用:

原帖由 吸血鬼 於 2006-7-27 06:00 PM 發表

= =||| 酒...happy hour...唔可以唔飲囉~ XD

咁好？又唔叫埋小弟..................

作者: ＊飛鳥＊ 時間: 2006-7-29 01:20 AM

引用:

原帖由 吸血鬼 於 2006-7-27 04:20 PM 發表
點解會冇UFO???
呢個宇宙咁大, 點解只可以有地球有生命體???

我都係咁話~~"
咁大個宇宙~~咩都有ga啦！
響街一個公廁咁細既地方~~都有數以億計既細菌,唔知幾多種既昆蟲"
更何況係一個咁大既宇宙呢？？

作者: cwai 時間: 2006-7-29 11:04 AM

i want to see

作者: 敵敵仔 時間: 2006-7-31 12:08 AM

係咪呢排唔夠新聞丫?又拎呢d黎講-3-

歡迎光臨 3Talks 港人自講討論區 (http://3talks.com/)