紅軍車仔用B隊玩英冠
| 利物浦為迎接阿聯酋超級富豪入主的新世代，賓尼迪斯日前罕有地同莫連奴唱雙簧，齊齊建議英超賽會倣效西甲，畀球會派出B隊踢低組別聯賽，而且目標直指英冠。利物浦同車路士已被視為未來球壇簕兩大豪門，今次兩位主帥一唱一和，擺明為壟斷英倫球壇鋪路。 | |
車路士出名人多勢眾，利物浦亦即將得到有錢過阿布簕阿聯酋富豪入主，可以預見兩隊將會進行「軍備競賽」。既然猛將多到用唔晒，賓尼迪斯同莫連奴就準備兵分兩路，實行大小通吃贏盡各級聯賽。莫連奴率先提議：「我認為大球會應該可以派出B隊去踢英冠，咁好似約翰米基爾、狄亞拉同沙洛文卡勞呢D好球員，就有機會試吓比賽滋味。」
對於呢個新穎構思，賓尼迪斯都大表同意：「我以前就教過皇馬B隊，呢個制度在英國絕對行得通，對於我地D年輕球員肯定有幫助。」以車路士同利物浦的班底，派B隊踢英冠隨時都係超班，兩隊想壟斷英倫之心昭然若揭。
|
|
