3Talks 港人自講討論區 - Powered by Discuz! Board

標題: 哪個星座在大庭廣眾最易失禮人？ [打印本頁]

作者: ghostfish 時間: 2006-2-23 01:30 PM 標題: 哪個星座在大庭廣眾最易失禮人？

第一位：處女座

最數容易開罪人，一定系處女座！不要看他外型還可以，以為一定掂！有名你叫，處女人又稱「百彈齋主」，每件事總能找到東西左挑右挑，加上又不是太大方，想叫你請下人食飯，你就自必然依依哦哦，好煩！

第二位：山羊座

事業上山羊人通常都能有紋有路，但講到出來見人，就真系要想得清清楚楚！系，外表老實端莊，但好多時亦可解之為悶！另外話題說來說去都是在談生意，真系原本唔悶，都給你弄得非常悶！既然如此，還是留在公司幹活好過！

第三位：金牛座

金牛人說話簡單而直接，喜歡和不喜歡都一次過說出來。你可以視之為坦白，但受不來的確實是嚇餐死！說話通常開口夾著利，太過直腸直肚，有時更變成刻薄，一餐\飯的時間，足以聽出耳油！

第四位：水瓶座

水瓶人外表通常尚算不俗，出來見人不出聲的話都可騙得人一時兩刻，但一出聲，心情好幽默感常常有當然變得平易近人，但愛玩反叛的性格，話黑面便黑面，快過打針，身為坐上客的你，份外顯得尷尬。

第五位：巨蟹座

斤斤計較的星座不多，但巨蟹人可算是數一數二，而最可憐的是大數不識計，小數如雞毛蒜皮的一個幾毫，同你計餐飽！做大事的人，唯有說聲：「我俾你啦！唔好煩！」，再加上情緒化的一面，任何心情全寫在面上，出來見人，有點羞家！

第六位：雙魚座

雙魚人在一班朋友中，最喜歡談、談、談，但談論的話題，有時真的只會不停「呻」，特別是愈熟稔的朋友，情況愈見嚴重，怨天怨地好鬼驚，喜愛你的人自然覺得你好真！但不愛你卻會覺得好辛苦，人人有難處，記住，不止你一個。

第七位：天蠍座

如非必要，天蠍人其實鍾意聽多過鍾意說，但在多人之時，他都會懂得隨機應變，見人說人話，再加上識自嘲，懂得放低自己成就別人，想落都幾偉大！但他要怨你之時，要說的話同樣可以好陰毒，所以不得不防！

第八位：白羊座

白羊人通常愛搞氣氛，很多都不願見冷場出現，所以活動中通常不停說話，有時太過興奮說錯過也不自知。另外行為方面，好聽叫做熱情，不好聽的叫粗魯，失驚無神說話大聲兼擺只腳上台，真系嚇都嚇死人！咁當然，你都可以形容為不拘小節！

第九位：人馬座

人馬人天生就有D異性緣，專吸引異性，再加上外表見得人，通常較為高瘦！所以單睇外表已經令人賞心悅目，而且閱歷夠多，好似去過邊度旅行，玩過甚麼運動，而且形容得栩栩如生，你話幾厲害！

第十位：雙子座

雙子座一句到尾，通常靠把口搵食，你的幽默感令到身邊人好鍾意跟你傾計，再加上你最鍾意贊人，而且張張刀，張張都有少少利，足以令眾人開心又放心！所以搞活動，雙子人，一定要預埋一份！

第十一位：天秤座

天秤人出名面面俱圓，出到大場面又怎會失禮？其能屈能伸之態度，叫你做表演嘉賓，你又唔會Say No！叫你做妹仔，你又會笑住口做，必要時更會著見低胸出來見人，如此識做人，怎會令人失望!

第十二位：獅子座

豪氣同闊綽一向都是獅子人的特性，若然在場定必能成為眾人焦點。整個活動的氣氛，均會輕易地給你一手掌握，加上外表異常吸引，失禮這回事，自然少會跟你扯上關係，出來見人，直情飲得杯落！

[ 本帖最後由 ghostfish 於 2006-2-23 08:20 PM 編輯 ]

作者: ghostfish 時間: 2006-2-23 08:20 PM

引用:

原帖由 ㊣修羅-黑暗㊣ 於 2006-2-23 04:26 PM 發表
第三位：金牛座

金牛人說話簡單而直接，喜歡和不喜歡都一次過說出來。你可以視之為坦白，但受不來的確實是嚇餐死！說話通常開口夾著

搞錯，入到三甲！

你太失禮喇

作者: 吸血鬼 時間: 2006-2-24 12:22 PM

第十一位：天秤座

天秤人出名面面俱圓，出到大場面又怎會失禮？其能屈能伸之態度，叫你做表演嘉賓，你又唔會Say No！叫你做妹仔，你又會笑住口做，必要時更會著見低胸出來見人，如此識做人，怎會令人失望!

呵呵~~~我呢d 先至叫強~

歡迎光臨 3Talks 港人自講討論區 (http://3talks.com/)