3Talks 港人自講討論區 - Powered by Discuz! Board

標題: 新打小人台詞 [打印本頁]

作者: joe~ho 時間: 2007-3-5 08:50 PM 標題: 新打小人台詞

灣仔鹅頸橋底，係打小人的熱門地。有一次聽到有個阿毛，唸唸有詞，打小人台詞，又毒又有新創意。呢個香港特色，都唔知好嬲定好笑.............

打你個小人頭，等你有氣冇訂透，日日去撼頭。

打你個小人面，等你全家中非典，成世都犯賤。

打你個小人眼，等你成世都撞板，日日被人斬。

打你個小人耳，等你日日痾爛屎，敏屎用手指。

打你個小人嘴，等你成日戇居居，日日被人隊。

打你個小人頸，等你周身都有病，個口生唔正。

打你個小人胸，等你非典兼中風，大腸唔暢通。

打你個小人手，等你有錢唔識收，有樓變喳兜。

打你個小人腳，等你日日敷中藥，有鞋冇腳著。

打你個小人肚，等你好心冇好報，日日被人告。

打你個小蘿柚，等你成世冇朋友，仔女生得醜。

歡迎光臨 3Talks 港人自講討論區 (http://3talks.com/)