3Talks 港人自講討論區 - Powered by Discuz! Board

標題: 如果要講我,有排都講唔完.... [打印本頁]

作者: eric 時間: 2006-4-3 02:04 AM 標題: 如果要講我,有排都講唔完....

睇我講咩之前,先講一樣o野!
就係我以下所講的,我自己都知咩事、亦想得很透徹!
或者係我早熟、又或者係我過去有著太多「不可能」的事...

早排,我終於決定o左將一個愛o左起碼十幾年o既人放低!
呢個人,我同佢由細識到大!佢係一個最了解我o既人,我同佢之間有建立o左一份比情人更深厚的感情!
大家都各自認定對方為紅顏、知己....

一o黎我唔係佢杯茶,二o黎我地太了解、太熟悉對方,更何況...已經太遲了!
因為我同佢之間o既感情已經昇華晒,冇可能返轉頭!!

幾年前我已經知道冇可能,只係一直唔肯放低 & 放唔低...
但係我知道冇可能的,就要盡快解決,所以最後....
自從我將心入面o既支柱方低,我發覺自己已經冇o左對事、對人的那份衝勁!
好空虛、好....

如果我仲係做緊<天下>、甚至係以前<Kodak>份工,我可能逃避到!
因為呢兩份工都足以令我麻醉到自己、將自己全副精神放晒落去!!
我知逃避不是辦法,但...唉,人就係咁!!

好人又點?!識諗又點?!
咪又係孤兒,永遠我愛的人、不是愛我的人!
咁多年o黎,都有好多首歌寫到應一應 ~~juno的、安仔的!
不過最應的都係光良,因為我已經聽了10年....

我當然知道有更多比我不幸的人、不幸的事,但人就係咁!
永遠都係覺得自己有幾慘幾慘,縱使有更多更慘的...

作者: eric 時間: 2006-4-3 02:05 AM

好耐以前o既我,係一個好自我中心、好霸道o既人!
但因為小六的一件事,令我不再幼稚、不再自我中心,乜都係以人為先....

好多人都會問我,我乜都為別人、乜都人地行先!自己唔辛苦o既咩?!唔想自私o既咩?!

如果我話唔辛苦、唔想自私,冇人會信!
只係我已經習慣了十多年,改不了!
我覺得如果自己委屈一點,別人會好過一點,有乜所謂!雖然未必別人都會想我咁!

特別係要我選擇o既時候!我總是好似冇意見、冇主見咁!
但其實係我唔想揀,因為如果要我揀,我就會好霸道、仲會力求完美的!

我紅顏知己話o左我十幾年,佢都話到厭,因為佢知道已經係我性格之一!
所以佢只會o係支持我、安撫我....

就將我呢十幾年o既事,好point、好簡單咁講
呢個...應該係一套電視劇 / 電影o既劇本大綱!!

o係我小六o個年,我親眼睇住我的摯友跳樓!
當時唔止我一個,係好幾個朋友一齊睇住!佢係女仔...
佢亦係我人生中暫時最大的遺憾!
因為咁多年o黎,都唔知佢葬o左o係邊、亦問唔到....
所以之前我先出個post問有冇方法查到....

o係我F.2 o個陣,我做o左<昨遲人>,撬我的~是我的兄弟...
我好記得,因為當晚係我生日....

我repeat F.2 o個年,第一次做人地契哥,冇正式上契的!
個女仔係刁蠻任性小公主,因為佢體弱多病,所以被寵壞了...
佢先天一隻耳仔聽唔到o野、先天性貧血、先天性內分泌失調...

最後我先知,佢唔係要一個阿哥,佢當我係男朋友....
不過做佢阿哥o個2年我真係好開心!!
雖然佢同我吵o左,佢憎我憎到死!但係咁多年來,我都好擔心佢...

同佢吵,其一係因為我係唔會同自己契妹有男女朋友之間o既感情
其二係因為佢自己o既性格所催....

o係我F.5 o個年,我睇住我死鬼女友自殺!佢o係自己間房割脈
當時想救佢,點知差錯腳仆低o左,一手差落去俾佢界o左o野!
我幾乎都失血過多,而佢...可能因為自己的傻傷害到我,內疚之下....翻界....

前年我契媽 & 契妹o係外國車禍過身,有個醉酒司機....
佢地係我唯一真真正正上契的、係我死鬼女朋友屋企人,亦係我第二個家...

上個月...朋友的弟弟不忍自己成績退步,跳樓自殺...
都未夠一個月,就到清明...

當然唔止咁少,要講真係有排講,唉....
造就o左一個咁o既我,一個諗好多o野、好多灰o野o既我....
永遠識諗,但係做唔肯去做!一個識醫人,但係就唔醫自己o既人!!

簡單o的o黎講,就係一隻
笨孤

[ 本帖最後由 eric 於 2006-4-3 02:26 AM 編輯 ]

作者: eric 時間: 2006-4-3 02:49 AM

引用:

原帖由 ㊣修羅-黑暗㊣ 於 2006-4-3 02:43 發表
一篇發自內心，感性既文章

只係一個劇本大綱,哈...
咁o既事,唔識我o既好難相信

作者: 無謂人 時間: 2006-4-3 08:12 AM

引用:

原帖由 eric 於 2006-4-3 02:49 AM 發表

只係一個劇本大綱,哈...
咁o既事,唔識我o既好難相信

果然幾慘下.....
不如你試下去每一個墳場到...問下辦事處既人,佢邊一年死,有機會會查到個名......

作者: ericlam01 時間: 2006-4-3 10:14 AM

小弟前排同家人吵，情緒非常高漲。小弟大講：點解我對人好，人地唔會想過對自己好，冇回報不緊要，都冇理由負呀！講完這句話，忽然間小弟既情緒靜止左，家人都係。一時之間人本身最真誠出番哂黎，而小弟這刻除了以上外，真是一片空白...........(原來人真是何等的渺小，小弟真是好膚淺..............)

小弟曾經睇過一些紀錄片，人本身是一頭夫老骨，只不過是經過包裝個來而已，既然人就是這樣，點解人仲要亙相敵對、暗串、不信任而不能多d聆聽、坦誠相處呢.................

也許人一生真是經歷過好多事情，有些事情可以解決、有些事情不能解決、不能解決永遠都是會令人感到無奈，但小弟覺得只要睇得開就足夠了，畢竟人之所以自殺都是學sammi既一首歌(放不低)，eric兄，以上既野可能同你既奇遇冇乜關係，不過都係小弟同你一樣，對人既睇法，愛人、友人、家人都是一樣，最重要是大家多d聆聽、坦誠相處，可以放得低大家不開心既野...................

(以上只是小弟對人既感受同一些小小愚見，希望各位大佬大姐不要扣分啦！

)

作者: ghostfish 時間: 2006-4-3 10:59 AM

咁悲...

作者: 影 時間: 2006-4-3 02:06 PM

又係時侯講下佛計,我係一個正式歸依架佛弟子
佛家所講有八苦,生、老、病、死、愛別離、怨僧會、求不得、五陰盛
我地通常都係D八苦之中打轉
愛別離一苦我同孤頭都深受其害

我拍過三次拖.
其本第一次唔係叫拍拖,只不過係讀書時侯人有我有,連咩愛都未知
第二次我果時十七八歲,女朋友十五歲,佢屋企人好反對,最尾D個女仔係交通意外走左,
有一半係我做成.結果去到靈堂佢屋企人唔比我入,連上一柱清香比佢架福份都做唔到,因為我欠佢實在太多
第三次係而家女朋友,係我廿四歲識佢,係ICQ識左年幾都無見過面,一見就PK啦,
拍左一年拖分開左三個月後又追過,再拍左半年又分手,今次等左佢二年幾,上年又再一次比我追返佢
到而家又拍左年幾,但係我感覺到又係時侯分開,
佢想走,呢感覺好強烈.好似一個判左死型架罪人等緊上斷頭台咁

到底情之為物係咩,愛又係咩
我聽過一個朋友講佢架愛情觀
愛唔單只係愛,愛仲係一種傷害
二個人相處得好係愛,反之就會變成一種傷害
唔單只傷害到自己,仲會傷害到別人

愛架傷害比一把真真正正架刀同真真正正架鎗傷害得更深,更痛
感情架痛係好實在,好似用一把尖刀,好慢好慢咁刺入個心度
記住個感覺係好慢好慢咁刺入去,係要慢架
唔會比你一下過就死,受住無盡架痛苦
眼淚流到再流唔出,但心依然係痛

孤頭孤頭
都係果句,平常心
我地改變唔到環境,但我地可以改變自己去識應環境
有好多野我地無辦法去控制,無辦法去改變
我地應該將我地架力量集中係一D我地可以改變架事上面
令佢變得更好

[ 本帖最後由影於 2006-4-3 02:16 PM 編輯 ]

作者: eric 時間: 2006-4-3 08:11 PM

我知呀,你地認為我諗唔到咩?!
我純粹打出o黎廢o翕o下o者!!

我係咪要學梁榮忠o係<唐伯父點秋香>入面咁
拎碌棍自o牛 & 話 ~~ 「邊個夠我慘,嘩哈哈哈...」
((跟住就死Q o左))

作者: ericlam01 時間: 2006-4-3 08:49 PM

引用:

原帖由 eric 於 2006-4-3 08:11 PM 發表
我知呀,你地認為我諗唔到咩?!
我純粹打出o黎廢o翕o下o者!!

我係咪要學梁榮忠o係<唐伯父點秋香>入面咁
拎碌棍自o牛 & 話 ~~ 「邊個夠我慘,嘠...

你咁講...............
突然令到小弟想起性哥係秋香來添........................

作者: eric 時間: 2006-4-3 09:16 PM

引用:

原帖由 ericlam01 於 2006-4-3 20:49 發表

你咁講...............
突然令到小弟想起性哥係秋香來添........................

中o左面目全非腳之後o個個秋香?!

作者: eric 時間: 2006-4-4 02:06 AM

引用:

原帖由惠惠於 2006-4-4 01:41 發表
一之過睇哂你地既野,好似時光倒流....
睇番你地既野,個心好唔舒服.....
希望你地開心番ar!...um...星期日唱歌比你地聽ar!(唱得唔好聽唔好話我wow)

睇下你係用咩心態去面對呢堆過去o既o者!
好似我呢o的老人家咁,已經麻木晒

作者: 影 時間: 2006-4-4 02:18 AM

引用:

原帖由大頭於 2006-4-4 01:47 AM 發表
好長的故仔....真性情之話句

唔係一個故仔,但係你都可以當係一個故仔咁睇
只係想講出來,無乜真唔真性情
如果上到網你都識我我唔識你仲要帶一個面具
不如果D訓好過,最小最小咩都唔駛諗
D個面具平日仲帶唔夠咩

作者: 影 時間: 2006-4-4 02:42 AM

引用:

原帖由惠惠於 2006-4-4 02:31 AM 發表

一"一...我大過你小小架wow...
咁我.......

你咪係青春著麗活潑可愛人見人愛車見車載性品開朗樂於助人心地善良架惠惠

作者: eric 時間: 2006-4-4 11:38 AM

引用:

原帖由惠惠於 2006-4-4 02:31 發表

一"一...我大過你小小架wow...
咁我.......

嬸嬸?!

作者: eric 時間: 2006-4-5 02:56 PM

引用:

原帖由惠惠於 2006-4-5 11:00 發表

痳痳好d kekee

作者: eric 時間: 2006-4-6 01:10 AM

引用:

原帖由惠惠於 2006-4-5 19:45 發表

即係婆婆low kekeee

我心境老o者
唔駛拖埋自己落水!!

人地阿女乖下

作者: eric 時間: 2006-4-6 01:25 AM

引用:

原帖由惠惠於 2006-4-6 01:21 發表

一一"....咁又係...
你唔講我仲以為你係叔叔@.@...係真...

遇過咁多呢o的o野o既人,得兩條路揀!
一係就習慣晒、因閱歷而強化自己
一係就繼續逃避....

作者: eric 時間: 2006-4-6 02:06 AM

引用:

原帖由惠惠於 2006-4-6 02:01 發表

咁你依家係咩ar?

唔知呢

作者: eric 時間: 2006-4-14 02:52 AM

引用:

原帖由 小貓BB 於 2006-4-14 02:42 發表

一上網就見到..........唉 ~ ..........
^^ 過去既就將佢埋係心底....明天會更好嘛(電視教既)
......................每個人都會有唔同既經歷......成長既階 ...

對我冇咩影響,我之前post出o黎只係寸緊某o的人o者!!

作者: 無謂人 時間: 2006-4-14 12:11 PM

引用:

原帖由 小貓BB 於 2006-4-14 03:01 AM 發表

原來玩緊串咀......

佢不嬲都話串咀~

作者: eric 時間: 2006-4-14 01:47 PM

引用:

原帖由 無謂人 於 2006-4-14 12:11 發表

佢不嬲都話串咀~

引用:

原帖由 ㊣修羅-黑暗㊣ 於 2006-4-14 13:43 發表

中途插咀，又懶追返之前既post睇，咪唔知囉~~

歡迎光臨 3Talks 港人自講討論區 (http://3talks.com/)