引用:

原帖由 語無倫次 於 2006-12-31 06:25 PM 發表
我成日見到d一樣既reply
會員wtw123

已ＰＭ了他及處理了，多謝你。

引用:

原帖由 yinloveu1314 於 2006-12-31 03:14 PM 發表
其待有700分~~
不過而家好慘~咩都睇唔到

冇計喇!發多d言
或者夠500分去買開口中

引用:

原帖由 域奇 於 2006-12-31 02:08 AM 發表

以閣下註冊至今五個多月，在線時間不足 90 小時，...

5個月，90個鐘，平均一日超過半粒鐘啦！咁都話少？要揾食架，唔使做咩？！

為咗3Talks，唔啱聽我都要講。

我當初愛上3Talks，係因為佢相多，冇人賣相(真或假錢)，冇set權限，呢Ｄ就係3Talks無私精神！但係現在變成咁，所以我話無話可說。

我雖然出得post少，但最少有幾個都係自scan，亦祇係post上3Talks。但係貼得上網就預咗比人抄，呢D就係網上無私共享。保護乜嘢利益呢？係咪天真咗少少？收真銀就係利益！老實講，貼上3Talks嘅相，有幾多係自拍或自scan？咪大部份由網上搬翻嚟！(當然揾同貼都要時間，所以實在要多謝各位貼者。)能夠集中咁多相亦係3Talks叻。

貼得上嚟就係想比人睇，亦無可能唔比人抄。其他網set權限係其他網嘅事，自吹自擂，又話獨家又話原創咁又點？3Talks D相比人抄正係代表佢嘅地位，況且你亦冇可能制止。 其實損害嘅係貼者嘅利益，定係版主無謂嘅虛榮？(衛蘭版主，唔係話你。)

好，又講吓邏輯。

1. 貼post係想比人睇，set唔set權限，怕唔怕人抄，係唔係應該由貼者自己決定？

2. set權限根本唔可以阻止人抄相，學版主話齋，夠權限嘅人咁多，可能個個都會download哂D相，點知係邊個搬相呢？結果相就照搬，唔夠權限喺3Talks睇唔到，就變咗走去嗰D網睇，回貼當然唔會喺3Talks啦，你話成件事幾攪笑？咁就真係損害貼者利益喇！

3. 從來唔讚成要回貼求分睇相，貼者的利益係乜？就係睇到D用心嘅回貼，但係字數多唔等如係用心回，呢個世界有cut & paste. 為求分就係唔係都回，回貼多就將D用心回嘅都遮住睇唔到。

抑或3Talks係時候想學ExxFxx收真銀？以為網上有無私共享，咁原來天真果個係我。

(本來摷到D舊相未有時間貼，睇嚟都要學吓人賣相。但真係唔想...)

引用:

原帖由 摩連奴領隊 於 2006-12-31 09:01 PM 發表



冇計喇!發多d言
或者夠500分去買開口中

領隊，乜你咁樣害啲新朋友呀，我都中過唔少次喇！

引用:

原帖由 hkw 於 2006-12-31 10:39 PM 發表


5個月，90個鐘，平均一日超過半粒鐘啦！咁都話少？要揾食架，唔使做咩？！

為咗3Talks，唔啱聽我都要講。

我當初愛上3Talks，係因為佢相多，冇人賣相(真或假錢)，冇set權限，呢Ｄ就係3Talks無私精神！但係現在變成咁，所以我話無話可說。
...

本來睇到你個 post 我都唔想回，費事掀起駡戰，不過你嗰句(衛蘭版主，唔係話你。) 我真係忍唔住，有嘢咪開宗明義話我囉，使乜兜圈呢！

唔該要批評人時，就做吓功課先，睇吓人哋講過啲乜，唔好喺度無的放矢！設立閱讀權限時，我事先已ＰＭ過部份會員，我衹不過係一個小小嘅版主，呢度亦唔係我一個人話晒事嘅。不過你要傾，我亦都續樣同你講番。

由閣下入會時，3Talks 就已經存在啲收錢嘅 post ，可能你睇唔到啦！仲有，3Talks 個 3 係Free 咁解，乜野無私精神係你自己估啫，口開埋口話為咗 3Talks，剩係睇吓你啲發帖量同在線時間，就知你有幾擁護 3Talks 喇，我仲遲過你兩個月先加入架，我咪一樣要返工要做！

從來無人講過加設閱讀權限可以防止被人 Copy，衹不過要增加別人攞相嘅難度，同培養會員嘅回覆集慣啫，講咗好多次，你唔信我都無辦法。
至於你嗰啲甚麽網上無私共享，我睇唔到如果你到咗足夠權限時，你仲要付出啲乜囉！尤其你咁強調共享精神，請問閣下又攞過幾多嘢出嚟同人共享呢？

至於你話版主嘅虛榮，Sorry 到呢一刻我都仲未感受到，版主亦都不過係會員之一啫，無乜咁特別。你哋輕輕鬆鬆玩完就走，我哋真係要做架，又要貼相又要巡版，可以話興趣多於一切。

講到邏輯，我就真係唔明你嗰套邏輯喇。

1.乜野由貼者自己決定，咁唔使有管理喇，試諗吓呢個世界如果個個鍾意點就點，咁個情況會有幾咁亂，稍為肯用腦諗吓都知個後果喇！

2.set權限呢樣已經講過，唔想再講。但我可以話比你聽，個權限係會解嘅，自己留意吓啦。

3.你嘅講法我就絕對唔認同，唔該你去睇吓版規，睇吓灌水嘅會有乜嘢後果。
反而你嗰句以為網上有無私共享，咁原來天真果個係我。我又幾讚同噃，6個 post 加埋先得 17張相，其他會員隨時一個 post 都多相過你，10月份打後仲未貼過相添，咁你又同人分享過啲乜呀？衹求收獲不肯付出，呢啲係唔係你所講嘅共享精神呀？

我相信喺其它 Forum 度嘅版主，唔會咁長篇大論去同你解釋，不過我想講多句，唔好因為自己睇唔到相，就係度大鑼大鼓咁嘈，先做好自己至再去挑剔人喇！

引用:

原帖由 域奇 於 2007-1-1 04:54 AM 發表

剩係睇吓你啲發帖量同在線時間，就知你有幾擁護 3Talks 喇，我仲遲過你兩個月先加入架，我咪一樣要返工要做！ ...

所以你係版主我唔係囉！

話我貢獻少係事實，冇得駁，我衹可以話，有能力嘅人就貼多Ｄ相，冇能力嘅人就用心Ｄ回貼囉。

但貢獻少唔等如唔擁護3Talks，亦唔代表我講嘅冇道理。

貢獻少就話我坐享其成，算啦，窮人係冇say架啦！

唔駛回啦，我唔再講啦！

見有人講開...又吹下水啦....唔岩聽ge就當睇唔到啦!!!thx

初初黎到3talks...其實係無意中見有人係網上批評exxfxx.com(<-唔知有冇犯規,有就delete左個名佢啦thx)GE制度,成日賣貼,搞到冇野睇,個個人就係咁灌水求加分加權限....
之後入黎3talks...覺得感覺好好...首先唔理d相係抄人定自拍..............起碼唔會個個post set哂金錢同權限......由初初齋睇..之後reg左個account....由cd-rom變做得閒吹下水.........開始投入3talks

但係近排眼見呢度都開始變啦....係d睇相ge版....d新post有一半都係要錢or set左權限,講真我就真係唔鍾意個個post都回下d"thx""推推"之類ge說話......所以d新post唔夠權限ge,咪唯有唔睇lor,慢慢等到夠.....冇所謂

不過有一樣就真係唔太順氣,有個之前收錢ge post.....買ge時候話不停update有新野...點知突然改左要權限,我都明白俾人偷左野ge感受,但係會員之前的確付出左費用....而家連之前ge都冇得睇返.....我覺得不如開個一個新ge  post先set權限會唔會公平d...之前ge相就繼續俾人睇...想睇新ge就努力儲分~

以上小小意見,如有得罪得得包涵!!!!!

引用:

原帖由 chows 於 2007-1-4 02:03 AM 發表
見有人講開...又吹下水啦....唔岩聽ge就當睇唔到啦!!!thx

初初黎到3talks...其實係無意中見有人係網上批評exxfxx.com(<-唔知有冇犯規,有就delete左個名佢啦thx)GE制度,成日賣貼,搞到冇野睇,個個人就係咁灌水求加 ...

ok ... i got it , let us think about it ...

引用:

原帖由 chows 於 2007-1-4 02:03 AM 發表
見有人講開...又吹下水啦....唔岩聽ge就當睇唔到啦!!!thx

初初黎到3talks...其實係無意中見有人係網上批評exxfxx.com(<-唔知有冇犯規,有就delete左個名佢啦thx)GE制度,成日賣貼,搞到冇野睇,個個人就係咁灌水求加 ...

好多謝你嘅意見，老實講，我係完全明白新會員睇唔到相嘅感受。但我仍然深信設立權限可以減少新帖被抄，以及提高會員對發帖者嘅回覆鼓勵。而經過呢幾日嘅試驗，初步証明設立閱讀權限係可行嘅。

大家有否想過，為何我們衹訂立30權限，而不訂40、50或更高嘅權限呢？目的就是不想目標太遙遠而令大家望而生畏。其實要達到所需權限，真的沒有甚麼困難。
就我個人而言，由我加入3Talks 開始，大約一個多星期已能到達30權限了，但單靠回覆，並唔可能於短時間內達至目標，衹要努力發帖，再加上回覆才能成效的。更希望大家能在這段時間內，培養出對本論壇嘅歸屬感。

至於要付費嘅 post ，由於3Talks係設有呢個系統，我們是不能禁止發帖者使用的，祇能憑發帖者嘅良心來決定收費與否，當然，過高嘅收費我們是會加以制止的。
另外，回覆別人帖子，除了可對發帖者作出鼓勵外，自己又可以加分，何樂而不為呢？正所謂有權利必有義務，分享別人嘅付出，便應對發帖者有點表示。但我强調，千萬別為分數而灌水，這樣必定因加得減。

最後，你所指嘅 post ，就是因為該樓主盡責地不停 update 新相，以至不停有人抄相出去！逼不得已下，才會增設閱讀權限的。對於付咗費而暫時入唔到去嘅會員，本人致以萬分歉意！更希望大家能早日取得所須權限，再次進入觀賞圖片。




[ 本帖最後由 域奇 於 2007-1-4 03:56 PM 編輯 ]

同意上面所講 ,

我並非幫版主 , 基本上依傢 post 咩野而又唔係太差都有分加 ,

大家齊齊出少少力啦 !!!