現時的博彩方式五花八門，六合彩、3T等，派彩動輒過千萬，多年來令不少人可以一圓橫財夢。就像昨晚的六合彩頭獎，一注獨得2400多萬，中獎者可謂「過肥年」(可惜不是我 )。賽馬會在70年代中才開始舉辦六合彩，在此之前，香港人的橫財夢，就是「中頭獎馬票」。

馬票(粵語讀音「馬標」)，是香港早年舉辦的一種結合賽馬與攪珠的彩票形式，於1931年首次由香港賽馬會發行。

馬票可分為大馬票與小搖彩兩種，先以攪珠方式產生入圍號碼，再以一場指定賽事的賽果決定中彩馬票。大馬票每年開獎兩次，後增加至3至4次，包括秋季、春季及夏季大馬票。秋季大馬票以廣東讓賽作為開獎賽事，而夏季大馬票則以香港打吡大賽的結果開獎。大馬票頭獎彩金由早期的數十萬港元，至後期超過100萬港元。早年本港百萬富翁少之又少。大馬票由於獎金豐厚，動輒百萬。因而，每次開彩時，全城哄動，人人爭發橫財夢。小搖彩則於馬季期間每月開獎一次，彩金由早期約1萬港元，至後期約接近10萬港元。

昔日街頭賣馬票者多是老嫗及少年男女街販，他們在馬會買了幾本馬票回來，用一根竹桿，橫插幾條幼枝，懸上衫夾或萬字夾，將一張張的馬票夾著，前往酒樓或在街邊兜售散賣，遇有「大客」者，亦有整本出售。此外，亦有士多舖及街邊煙仔檔，在檔口懸掛散張馬票代售。早年馬票售價每張二元，街販出售，每張賺取一毫「附加費」。當年未有投注站，一般人在茶樓歎茶時，遇有上門兜售馬票者，都視如財神上門，絕無相拒之理，便「撞手神」買一兩張接財神，多付一毫亦不以為貴，有較闊綽者甚至會多付二毫。

第二次世界大戰後，1947年恢復舉行馬票。至1976年7月，馬會開始舉辦六合彩，而大馬票則於1977年起取消。1999年，馬會為慶祝千禧年而重新舉辦慈善大馬票，共分20款，每張售20港元，以2000年1月1日凌晨舉行的千禧盃作為開獎賽事。

新年將至，大家不妨回顧一下香港人昔日的橫財夢。亦借此機會，和大家拜個早年

恭喜發財！

[ 本帖最後由 vwfl 於 2007-2-16 06:44 PM 編輯 ]

wa...第一次見

引用:

原帖由 亡心 於 2007-2-16 07:17 PM 發表
wa...第一次見

me too
但聽說過
被現在的六環彩所取代

引用:

原帖由 toester 於 2007-2-17 03:43 發表

me too
但聽說過
被現在的六環彩所取代

六環彩係唔係即係六合彩？
我唔知咩係六環彩
xdd

引用:

原帖由 亡心 於 2007-2-17 09:00 PM 發表


六環彩係唔係即係六合彩？
我唔知咩係六環彩
xdd

「六環彩」同「六合彩」係兩樣唔同嘅博彩方式。

「六環彩」係同賽馬有關嘅。現時每個賽馬日有六場指定構成六環彩賽事，如果你晌呢六場賽事裡面，選中每場嘅第一或第二名馬匹，就可以中獎。

而「六合彩」可以算係取代馬票嘅博彩方式，雖然開彩方法有啲唔同。1975年，政府為取代原來嘅馬票，同埋加強打擊民間字花賭博，香港獎券管理局就授權香港賽馬會以「香港馬會獎券有限公司」名義代理接受彩票投注。最初嘅彩票係14選6，每星期攪珠開彩。到1976年，正式名為「六合彩」，開彩方法改成36選6(加一個特別號碼)，中獎難度同派彩都大幅增加，開彩次數亦增加到每星期兩次。之後一直有增加選擇數目同派彩金額，到而家係49選6(加一個特別號碼)，每星期開彩三次。

引用:

原帖由 vwfl 於 2007-2-17 22:54 發表

「六環彩」同「六合彩」係兩樣唔同嘅博彩方式。

「六環彩」係同賽馬有關嘅。現時每個賽馬日有六場指定構成六環彩賽事，如果你晌呢六場賽事裡面，選中每場嘅第一或第二名馬匹，就可以中獎。

而「六合彩」可以算係取代 ...

O..THX 好詳盡
太多字冇睇落去
剩知同騫馬有關

引用:

原帖由 ㊣修羅-黑暗㊣ 於 2007-2-17 23:12 發表

我地舊人既習慣，一見到多字就費事睇~~
希望D新人多D習慣精簡~~

唔係剩係得我係咁之咩？

當初六合彩是馬會推出來打擊非法字花的

引用:

原帖由 亡心 於 2007-2-16 07:17 PM 發表
wa...第一次見

me too ...

引用:

原帖由 ㊣修羅-黑暗㊣ 於 2007-2-18 12:24 AM 發表

老實講，我一見到多字我都費事睇~~

你哋太懶喇~